Revelation 17:7 - Sa Ugud Apudyus

⁷ Yaḵon ḵanan ni anghel ḵan saḵon, “Ngaipaḵa mataag? Ibagaḵ ḵan siḵae adipun maigammu piona ḵanan sadi ye bubai ya sa ḵaog-ogyate ayame nangabayuwanae pitu uḻuna ya simpuḻu sakkudna.

Revelation 17:7 Referans Kwoze

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

2 Thessalonians 2:7

Te sa nalimode ḵabooḻan ni ḵaḻawengan, nagangpute impasullagina'tta tagu'ḵ Apudyus yaḵon aditaḵupun yan igammu ḵoona si umali ye aḻgaw inggana'ḵ maḵaan anutuppod ḵan siya.

Revelation 1:20

Ḵaḵna nitataḻu we ḵapaoyan da pitu we bituwone innilam atte madawinane imaḵ ya da pitu we buḻawane sasap-aḻan da silaw. Da pitu we bituwon, dida da anghel we angayyuwan atta pitu we gimung da namati. Da pitu ḵade buḻawane sasap-aḻan da silaw, dida da pitu we gimung da namati.”

Revelation 12:3

Inninggaw os osae sinyal ad langite nampaila daḵodaḵoḻe dragone dilaag, pitu uḻunae losan nakoronaan ya sa sakkudnae simpuḻu.

Revelation 18:1

Naabus ḵad, innilaḵ osae anghel we naḻpu'd langit. Nangatu ḵaḻabbongana ya nalangḻangan luta'tte ampigsae ḵinapaddana.