Revelation 13:5 - Sa Ugud Apudyus

⁵ Iyyunud Apudyus sanae ḵaog-ogyate ayame ampangat aḵ opatpuḻu ya duwae buḻan ya an-ugud atta sinosoḵaḻ ya lawweng ḵan Apudyus.

Revelation 13:5 Referans Kwoze

Revelation 12:6

Sa bubai ḵad ummawid atte bumbummaawe insaganan Apudyus aḵ inggawana ta matangḵonan sidi'ḵ sillibu ya duwanggasut ya onompuḻu we aḻgaw.

Revelation 12:14

Yaḵon sa bubai ḵad, naittan aḵ duwae danaḵḵoḻe payaḵ di buḵaw ta lamogna tumayap atte bumbummaaw aḵ inggawana si tuḻun tawon ya gogwa ta matangḵonan ya miligsi'tte uḻoge dragon.

2 Thessalonians 2:4

Sullagiyona'ḵ Apudyus ya da losane sinan-apudyus ya da ngaimane daydayawon da tagu ya ipangatunae mismu long-agna nu da ngaiman ḵan dida. Ta tumuḵdu si templo we boḻoy Apudyus ya iwaḻagawagnae siyae mismu Apudyus.

Revelation 13:7

Niyunud ose maḵagubat atta tagun Apudyus ḵad oḻgona dida. Ḵad naittan aḵ ḵaḻabbongane ampangat atta losane ili ya da losane tribu ya da tagu we nansabasabali gingada ḵan naḻpuwanda.

Revelation 11:7

Maabus ḵade ibagada da impaigammun Apudyus ḵan dida, tumoḵwaḻ ḵaog-ogyate ayame maḻpu si abute ippun patinggan ni ḵaadaḻomna ya maḵagubat ḵan dida. Ḵad angngog ya anggongat ḵan dida,

2 Thessalonians 2:3

Adi ḵayu maallelaw atta ngaimane ibagada ḵan diḵayu. Te adipun dumatong sanate aḻgaw inggana'ḵ umaduadu da tagu we sumusullagi ḵan Apudyus ḵad mipaila ḵaḻawengane niḵoddonge madusa'd Infiernu.

2 Thessalonians 2:8

Ḵad nu mipaila ḵaḻawengane sumusullagi'tta Lintog Apudyus, umali'ḵ Apu Jesus ya dadailona sadi ye ḵaḻawengan atte ampail-ana. Ḵad gongatona taḵon ay abuse pog-awana.