Revelation 13:3 - Sa Ugud Apudyus

³ Sa osae uḻun ni sanae ḵaog-ogyate ayam, inggaw daḵoḻe pilat ni sugatnae siya tigangayna iḵatoy yaḵon napilatan pos pagay. Pun siya nataagan da losane tagu'd luta woḵ siya inunudda.

Revelation 13:3 Referans Kwoze

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

Revelation 13:14

Pun inallelawna da adipun namati'd luta gapu'tta nakaskasdaawe sinyale niyunude ḵingwana si nanserserbiyana si ummunae ḵaog-ogyate ayam. Pun imbagana ḵan dida ta angwada'ḵ sinan-ayame dayawondae isun ni ummunae ayame nasugat atte ispada yaḵon sissiyae natagu.

Revelation 17:17

“Sa sanate bubai ye innilam, siya nandindinamage siyudade nangipangat atta losane ari'd luta. Naḵwa da sana ḵan siya te aḵ Apudyus nangidaḻan ḵan dida ta an-ossaan somsomoḵda ta mituttuwa panggobna. Siya gapun ni nangipuḻanganda'tte ḵaog-ogyate ayam atta ḵaḻabbongandae ampangat inggana'ḵ mituttuwa da losane imbagan Apudyus.”

Revelation 17:10

Da lima ḵad ḵan dida, naḵaanda, ampangat osa sinsana ḵad awad de osa bose umali ye ampangat atte umali ye aḻgaw yaḵon abuse sin-aḵitan ampangatana.

Revelation 17:13

Gapu ta os-ossaan panggobda, ipuḻangda da ḵabooḻanda ḵan ḵaḻabbonganda si ḵaog-ogyate ayam.

Revelation 13:12

Awad ḵan siya da losane ḵaḻabbongan ni ummunae ḵaog-ogyate ayam ya siya usaronae anserbi ḵan siya. Ḵad ipatutnae daydayawon da losane tagu'd luta sanae ummunae ḵaog-ogyate ayame napilatan sugatnae tigangayna iḵatoy.

Acts 8:13

Taḵon ay aḵ Simon namati woḵ nampabonyag. Pune sadi nibuḻun ḵan Philip atta dinumane ayana te nataag atta nakaskasdaaw ya sinyale ḵingwana.

Luke 2:1

Sa sadi ye timpu we niyanaḵan John, nangwa'ḵ lintog aḵ Emperor Augustus we umoy da losane tagu'tta ili ye ipangatan da iRome we ḵasapuḻane ampalistada.

Revelation 17:6

Ḵad innilaḵ sadi ye bubai ye nabartek atta daḻan da tagun Apudyus we nagongat gapu'tte nanaḵdoḻanda ḵan Jesus. Sa nan-iilaḵ ḵan siya, gattoḵe nataagaḵ.

John 12:19

Pun ḵanan da Pharisee, “Ilanyu ḵad, ippun botlon taḵu te siya unudon da losane tagu si lubung.”

Revelation 17:11

Sa ḵaog-ogyat ḵade ayam, siya inninggaw atte awe, naippun sinsadi, siya miḵawaḻu we ari ye mibelang atta pitu. Ḵad aḵ uni umoy atte madusaana'ḵ inggana.