Revelation 13:11 - Sa Ugud Apudyus

¹¹ Pun innilaḵ osae ḵaog-ogyate ayame tummoḵwaḻe naḻpu si luta. Duwa sakkudnae isuna sakkud ni ubbu we karnero yaḵon sa gingana, isuna gingan ni dragon.

Revelation 13:11 Referans Kwoze

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Revelation 17:6

Ḵad innilaḵ sadi ye bubai ye nabartek atta daḻan da tagun Apudyus we nagongat gapu'tte nanaḵdoḻanda ḵan Jesus. Sa nan-iilaḵ ḵan siya, gattoḵe nataagaḵ.

Revelation 16:13

Naabus ḵad, innilaḵ da tuḻu we aḻane isudan ḵatollongan di tuḵaḵ, sa osa ḵad naḻpu si sungad ni dragon, naḻpu osa si sungad ni ḵaog-ogyate ayam ya sa osa ḵad os naḻpu si sungad ni sinan profeta.

Revelation 13:17

Ḵingwana ḵatti ta naippun paat tagu'ḵ maḵwae allaḵu baḵon nu ngumina nu adi namaḻḵaan si ngadan ni ummun-unae ḵaog-ogyate ayam baḵon nu sa belange sinyal ni ngadanna.

Revelation 11:7

Maabus ḵade ibagada da impaigammun Apudyus ḵan dida, tumoḵwaḻ ḵaog-ogyate ayame maḻpu si abute ippun patinggan ni ḵaadaḻomna ya maḵagubat ḵan dida. Ḵad angngog ya anggongat ḵan dida,

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

Revelation 12:17

Pun amo dummallu sangan ni dragon si bubai woḵ ummoy naḵagubat atta udume abengnae da anguunnud atta bilin Apudyus ya sissiyadae amati'tta impaigammun Jesus.

2 Thessalonians 2:4

Sullagiyona'ḵ Apudyus ya da losane sinan-apudyus ya da ngaimane daydayawon da tagu ya ipangatunae mismu long-agna nu da ngaiman ḵan dida. Ta tumuḵdu si templo we boḻoy Apudyus ya iwaḻagawagnae siyae mismu Apudyus.

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

Revelation 13:1

Pune sadi, innilaḵ ḵaog-ogyate ayame tummoḵwaḻe naḻpu si baybay. Pitu uḻuna ya simpuḻu sakkudna. Naamin nakoronaan da sakkudna ḵad nigili si sin-ossaossae uḻuna angngadanda ḵan Apudyus.

Revelation 13:4

Pun nandaydayawda si dragon te innatodna ḵaḻabbongana'tte ḵaog-ogyate ayam woḵ nandaydayawda bos atte sadi ye ḵaog-ogyate ayame ḵananda, “Ngai nin ay miyisu si annae ḵaog-ogyate ayam? Ngai nin ay ḵallamog angngog ḵan siya?”