Revelation 13:10 - Sa Ugud Apudyus

¹⁰ Da niḵoddonge mibaḻud, aaddi ye mibaḻudda ḵad da niḵoddonge mapatoy si ispada, aaddi ye mapatoyda si ispada. Pun ḵasapuḻane da tagun Apudyus attomanda da losane ampaḵaḻamanda ya ipapatida da pammatida.

Revelation 13:10 Referans Kwoze

Revelation 14:12

Siya gapunae ḵasapuḻane iyattom da tagun Apudyus we anuttuwa'tta bilinna ya angipapati si pammatida ḵan Jesus.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Luke 21:19

Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.”

Hebrews 6:12

Adinipun pione bumaduuḻ ḵayu nu adi miyisu ḵayu oḵyan atta udume gapu'tte pammatida ḵan ḵinaanusda, tawidonda inkarin Apudyus.

Revelation 2:2

Igammuḵ da losane ḵooḵoonyu, sa ansigabe ḵewaaḻyu ya ḵinaanusyu we angiyattom atta ampaḵaḻaman. Igammuḵe adiyupun maanusan da lawwenge tagu. Ḵad pinadasyu da ngannonda da long-agda apostol taḵon ay nu daḵandapun woḵ inigammuyu we tuliyanda.

Matthew 26:52

Ḵanan Jesus ḵan siya, “Ipaulim ispadam si boḻoyna. Te ngaimane angusar atte ispada, matoy os si ispada.

Revelation 16:6

Te sana da tagu we namatoy atta tagum ya da profetam we pinapoy-asda da daḻada pun anna bose ipainumnu ḵan dida daḻa. Te siya gungunada!”

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

Revelation 3:3

Sosomḵonyu da nituttudu ḵan inawatyu'tte awe. Ḵasapuḻane patiyonyu dida ya ibabawiyu da basuḻyu ya agayyu we angwa. Te nu adiḵayupun bumangon, umaliyaḵe mapoḵḵatane isun ni aḵḵawan ta dusaoḵ diḵayu ya adiyupun igammu timpu we umaliyaḵ.

Revelation 2:19

Igammuḵ da ḵooḵoonyu, sa ayatyu ḵan pammatiyu ya sa anserbiyanyu ya sa angiyattomanyu'tta ampaḵaḻamanyu. Igammuḵ ose amo nabaḻbaḻu da ḵoonyu sinsana nu sa damu.

Colossians 1:11

Oḵyan pos ta sa nakaskasdaawe ḵabooḻan Apudyus amapigsa'tta somsomoḵyu ya lumayad ḵayu ta taḵon ay nu ngai maḵwa ḵan diḵayu, lamogyu maattomane angiyanus.

Matthew 7:2

Te sa inon ni anḵuḵuwisyu'tta udum, siya bos inon ni anḵuḵuwis Apudyus ḵan diḵayu. Nu umamdan inonyu we anguwis atta udum, umamdan os inon Apudyus we anguwis ḵan diḵayu.

Revelation 11:18

Da sumusullagi ḵan siḵa, amod de ansasangada yaḵon sinsadi dummatong timpu we sumang-am ya dusaom dida, te sana timpu we anguwisam atta losane nanḵaḵatoy. Ḵad sinsadi bos timpu we gungunaam da sammilume da profetam ya da losane tagume angisipog ḵan siḵa, da nababa ya da nangangatu. Ḵad dadailom os da nanadail atta tagu'd luta.”

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

Revelation 17:11

Sa ḵaog-ogyat ḵade ayam, siya inninggaw atte awe, naippun sinsadi, siya miḵawaḻu we ari ye mibelang atta pitu. Ḵad aḵ uni umoy atte madusaana'ḵ inggana.