Revelation 11:2 - Sa Ugud Apudyus

² Yaḵon adim isongon paway atte lasin ni templo te naitod atta Gentil ta oḻgonda ḵan ipangatanda siyudad Apudyus si opatpuḻu ya duwae buḻan.

Revelation 11:2 Referans Kwoze

Revelation 12:6

Sa bubai ḵad ummawid atte bumbummaawe insaganan Apudyus aḵ inggawana ta matangḵonan sidi'ḵ sillibu ya duwanggasut ya onompuḻu we aḻgaw.

Luke 21:24

Matoy da udum atte gubat ya da udum iyoyda dida'tta adu we nansabasabali ye adayu we ili ta ibaḻudda ya ambalinonda dida'ḵ musassu. Sina'd Jerusalem, oḻgon da Gentil dida ya dida ampangat inggana'tte timpu we amungtuwon Apudyus ampangatanda.”

Revelation 11:3

Ḵad ittoḵ ḵaḻabbongan atta duwae anaḵdoḻ ḵan saḵon ḵad angipadtuda'tta ipaigammuḵ ḵan dida si unog di sillibu ya duwanggasut ya onompuḻu we aḻgaw. Ansisillupda'ḵ saḵu.”

Revelation 21:2

Innilaḵ os baru we Jerusalem we sa siyudad Apudyus. Sa baru we Jerusalem we maḻpu ḵan Apudyus ad langit. Sa sanae siyudad, naganggangpute nisaganae isuna bubai ye nansilup atte maḵaawise silupe umoy miyabot atte angasawa ḵan siya.

Revelation 22:19

Nu awad os osa'ḵ ḵaanona udum atta annae nipadtu si annae iblu, ḵaanan os Apudyus ḵaḻabbonganae maḵaḵan atte bungan ni ḵayu we angitod si biyag ya sa ḵaḻabbonganae inggaw atte siyudad Apudyus we nibaga'tte annae iblu.

Matthew 27:53

Tummoḵwaḻda ḵad atta libonda'tte ummuliyan Jesus, ummoyda losan ad Jerusalem we siyudad Apudyus. Pun nampailada'tta adu we tagu.

Matthew 5:13

Pun pinagatupan Jesus we nantuttudu woḵ ḵanana, “Diḵayu isun di asine ḵasapuḻan si bumaḻuwan da losane tagu'd luta. Yaḵon nu ippun ogon tamtam ni asin, ngai inonae mipauli tamtamna ḵasin? Naippun ogon anuna ḵad miballu ya gusgusdan da tagu.

Matthew 4:5

Pun intallay Satan aḵ Jesus atte siyudad Apudyus ad Jerusalem woḵ pinataḵdogna'tte ḵataḵnangan ni templo we boḻoy Apudyus,

Revelation 11:11

Yaḵon maḻaḵpus ḵad tuḻun aḻgaw ya gogwa, sa angose maḻpu ḵan Apudyus we angitod atte biyag lumnoḵ ḵan dida ya summiḵadda. Ḵad amod de ogyat da angila ḵan dida.

Hebrews 10:29

Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

Revelation 21:10

Pun isun di impain-inop ni Ispiritu Santu ḵan saḵon woḵ inniyoy ni anghel saḵon atte antaḵnange beleg woḵ impailana baru we Jerusalem we sa siyudad Apudyus. Sa baru we Jerusalem we maḻpu ḵan Apudyus ad langit.