Revelation 11:16 - Sa Ugud Apudyus

¹⁶ Ḵad da duwampuḻu ya opate angipangpangu we tummutuḵdu'tta tronoda si sinagung Apudyus, nanalluḵuda woḵ nandaydayawda ḵan siya,

Revelation 11:16 Referans Kwoze

Revelation 4:4

Sa nampaliḵwos atte trono, inggaw os da duwampuḻu ya opate trono we tummutuḵduwan da duwampuḻu ya opate angipangpangu. Nampassilupda'ḵ itaḵe silup ya nakoronaanda'ḵ buḻawan.

Revelation 4:10

Ḵad umoy da duwampuḻu ya opate angipangpangu analluḵu si sinagung ni tutuḵdu si trono we sa matattagu'ḵ inggana ya andaydayawda bos ḵan siya. Ḵad ibadongda bos da koronada'tte sinagungna ya ḵanandae angiḵanḵanta,

Revelation 7:11

Inninggaw os da losane anghel atte nampaliḵwos si trono ya da angipangpangu ya da opate matattagu we ḵingwam. Nanalluḵuda'tte sinagung ni trono woḵ nandaydayawda ḵan Apudyus,

Revelation 19:4

Ḵad da duwampuḻu ya opate angipangpangu ya da opate matattagu we ḵingwam, nanalluḵudae nangidaydayaw ḵan Apudyus we tutuḵdu si trono. Ḵananda, “Amen! Madaydayaw aḵ Apudyus!”

Revelation 5:14

Pun ḵanan da opate matattagu we ḵingwam, “Amen.” Ḵad da angipangpangu, nanalluḵuda bose nandaydayaw.

Matthew 19:28

Ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abeng Di Tagu, nu dumatong tumuḵduwaḵ si tronoḵe an-ari nu ḵoon Apudyus baru we lubung, diḵayu we nasawaḻan aḵ duwae nibuḻubuḻun ḵan saḵon, tumuḵdu ḵayu bos atta nasawaḻan aḵ duwae trono we angipangat ḵan anguwis atta ganaḵ da nasawaḻan aḵ duwae abeng Israel.