Revelation 11:11 - Sa Ugud Apudyus

¹¹ Yaḵon maḻaḵpus ḵad tuḻun aḻgaw ya gogwa, sa angose maḻpu ḵan Apudyus we angitod atte biyag lumnoḵ ḵan dida ya summiḵadda. Ḵad amod de ogyat da angila ḵan dida.

Revelation 11:11 Referans Kwoze

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

Revelation 11:9

Tuḻun aḻgaw ya gogwae ilan da tagu we lumaus da ladag. Da sanae tagu, maḻpuda'tta losane ili ya da losane tribu ya da tagu we nansabasabali gingada ḵan naḻpuwanda. Ḵad adidapun iyunude milibonda.

Acts 5:5

Dingngoḻ ḵad Ananias imbagan Peter, napittuwaḵ woḵ natoy. Pun nillumnoḵ da babaḻu woḵ binusdungda'tte luput long-agna woḵ ummoyda illibon. Da losane nangngoḻ atta naḵwa ḵan siya amod de ḵimutda.

Acts 5:11

Pun da losane namati ya da losane nangngoḻ atte naḵwa, amod pagay ḵimutda.

Revelation 11:13

Sa sadi ye oras, inggaw os ummamdane lunige anadail atte ḵasimpuḻun ni sadi ye siyudad woḵ sadi nanḵaḵatoyan da pitullibu we tagu. Pun ummogyat da nabun-an woḵ andayawda'tte ḵinangatun Apudyus we awad ad langit.