Revelation 1:3 - Sa Ugud Apudyus

³ Pian tagu we angidangsoḻe amasa'tte annae padtu we nipaigammu ḵad pian os da andongoḻ ya amati'tta losane nigili si anna te madam-an timpu we mituttuwaanda.

Revelation 1:3 Referans Kwoze

Luke 11:28

Dingngoḻ ḵad Jesus ḵanana, “Amo pian da angogomgom atta dingngoḻdae Ugud Apudyus!”

Revelation 22:10

Pun pinagatupana woḵ ḵanana, “Adim ililimod mipanggob atta nipadtu we da nigili'tte annae iblu te madam-an mituttuwaanda.

Romans 13:11

Ḵasapuḻane ḵoon taḵu losan da anna te igammu taḵu we ampatog timpu we mataguwan taḵu sinsadi. Ḵad sinsadi ye timpu bumangon taḵu we nasuyop te madam-an mataguwan taḵu'ḵ inggana nu sa damu we namatiyan taḵu.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

Revelation 22:12

Ḵanan Jesus, “Dongngonyu anna. Madam-an umaliyaḵ. Ḵad nu umaliyaḵ, idatongḵu gungunae ittoḵ si sin-ossaossae sigun atta ḵingwana.

2 Peter 3:8

Yaḵon annaya ḵasapuḻane adiyu maliwatan, ay-ayatoḵe buḻbuḻun. Sa ḵasomsomḵan Apudyus atte ḵaandun ni sin-aḻgawe abus, isuna sillibu we tawon ya sa sillibu we tawon isuna sin-aḻgaw.

Revelation 22:20

Sa anaḵdoḻe tuttuwa losan da anna ḵanana, “Tuttuwae madam-an umaliyaḵ.” Amen! Awwaynu, Apu Jesus.

Matthew 24:15

Pun pinagatupan Jesus woḵ ḵanana, “Ilanyu ḵaog-ogyate dumadaile sisiḵad atte nasantuwane lugar si templo we angaissawe impadtun Profeta Daniel atte awe. Maawatan oḵyan da ambasa.

Romans 13:12

Te sa ḵatuttuwaan, naḻaḵpus labi ya madam-an mabigat. Pun ḵaanon taḵu da ḵoḵoḵḵon taḵu si giḵbot ta iḵabot taḵu aggom ni padda.

Revelation 3:11

Madam-an timpu we umaliyaḵ. Pun ipapatiyu unudon tuttuwae tuttudu ta ippun osa'ḵ angaan atte gungunayu.