Revelation 1:18 - Sa Ugud Apudyus

¹⁸ ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

Revelation 1:18 Referans Kwoze

Romans 6:9

Igammu taḵu we gapu ta ummuli'ḵ Jesu Kristu, adipun ogon matoy te naippun ogon ḵabooḻan ni ḵatoy ḵan siya.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Matthew 16:19

Ittoḵ ḵan siḵa tuḻbiḵe sa piona ḵanan sa ḵaḻabbongan atta tagu we midoga si ampangatana. Ḵad ngaimane iyadim si annae luta, iyadin os Apudyus ad langit. Ngaiman ose iyunudnu si annae luta, iyunud os Apudyus ad langit.”

Revelation 20:14

Naabus ḵad, sa ḵatoy ya sa gagangaye igaw da natoy ad Hades, niballuda'tte igaw ni gumilgillayabe apuy ḵan sulfur. Sana ḵumagwae ḵatoy.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Revelation 4:9

Ḵad da annae opate matattagu we ḵingwana andaydayawda, ipatpatogda ya anggappiyada si tutuḵdu'tte trono we sa matattagu'ḵ inggana.

Hebrews 7:16

Nambalin aḵ padi mipagapu si ḵabooḻan ni biyage ippun patinggana, daḵampun aḵ gapu'tte lintoge mipanggob atte ḵapuun.

2 Corinthians 13:4

Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.

Revelation 9:1

Naabus ḵad, nanangguyub ḵumalimae anghel woḵ innilaḵ bituwone naottag sina'd lutae naḻpu'd langit. Sa annae bituwon naittan aḵ tuḻbiḵe anuḻbiḵna si onob ni abute ippun patinggan ni ḵaadaḻomna.

John 14:19

Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

Colossians 3:3

Te isuyun natoy mipanggob atta gagangaye ḵinatataguyu yaḵon sinsadi tuttuwae natattagu ḵayu ḵan Apudyus mipagapu'tte niyossaananyu ḵan Kristu. Da tagu we adipun namati adidapun maawatan baru we biyagyu.

Revelation 5:14

Pun ḵanan da opate matattagu we ḵingwam, “Amen.” Ḵad da angipangpangu, nanalluḵuda bose nandaydayaw.

Matthew 11:23

“Diḵayu ḵade iCapernaum, sosomḵonyu ḵad aine midayaw ḵayu'd langit? Naid! Sa maḵwa, aaddi ye miballu ḵayu'd Hades, sa igaw da natoye madusaanyu! Te nu ad Sodom oḵyan nangwaaḵ atte nakaskasdaawe isun da ḵingwaḵ atta iliyu, dagus nine nambabawida'tta basuḻda ya adimpun nin oḵyan Apudyus dinadail ilida ḵad awad oḵyane sissiya'd Sodom sina inggana sinsadi.

Luke 24:5

Pun ummobaob da sanae bubbubai gapu'tte ḵimutda yaḵon ḵanan da duwae laḻaḵi ḵan dida, “Ngaipayu sington matattagu si igaw da natoy?

John 11:25

Ḵanan Jesus, “Saḵon anagu ḵasin atta natoy ya angitod atte biyag aḵ inggana. Ḵad ngaimane amati ḵan saḵon, taḵon ay nu matoy, matagu'ḵ inggana.

Revelation 2:8

Ḵanana bos, “Annaya isuḻatnu'tte anghel we angayyuwan atta namati ye magimugimung ad Smyrna, ‘Saḵon ummuna ḵan anguddidi. Saḵon os natoy woḵ ummuli. Annaya ibagaḵ ḵan diḵayu.

Revelation 6:8

Intollongḵu ḵad, innilaḵ buute ḵabayu. Sa nangabayu ḵad nangngadan aḵ Ḵatoy ya sa ummun-unud ḵan siya nangngadan aḵ Hades we igaw da natoy. Naittanda'ḵ ḵaḻabbongane anadail atte inḵapat da tagu sina'd luta. Gongatonda da udum atte ispada, da udum atte inggi, da udum atte dayang-as ya da udume gongaton da atape ayam sina'd luta.

Revelation 10:6

woḵ nansapata'tte ngadan Apudyus we matattagu'ḵ ingganae nangwa'tta langit, luta, baybay ya da losane awad ḵan dida. Ḵanana, “Naippun oḵyan ogon mitaḻyanan da maḵwa.

Revelation 15:7

Pun sa osa'tta opate matattagu we ḵingwam, iwwaḻasna'tta pitu we anghel da pitu we maḻuḵunge buḻawane napnuda'tte sangan Apudyus we matattagu'ḵ inggana.