Philippians 4:7 - Sa Ugud Apudyus

⁷ Te nu ḵoonyu da sana, awad ḵan diḵayu lin-awae itton Apudyus we nakaskasdaawe adipun paat maḵwae maawatan ni somsomoḵ di tagu. Ḵad iissuna guwaḻdae anaḻaḵnib si ḵimut ḵan bimbinsawyu, gapu si midog-anyu ḵan Jesu Kristu.

Philippians 4:7 Referans Kwoze

John 14:27

“Tenaḵ ḵan diḵayu lin-awa ya sa lin-awaḵ ittoḵ ḵan diḵayu. Daḵampun aḵ isun ni an-aatod da tagu we adipun amati an-aatodḵu ḵan diḵayu. Ḵad adi ḵayu maal-alimuunan ya maḵimut.

2 Thessalonians 3:16

Oḵyan pos ta aḵ Apu we puun ni lin-awa taḵu, patilayun ose angitod si sanae lin-awa ḵan diḵayu taḵon ay ngai maḵwa. Ḵad pasig oḵyan ose iinggaw ḵan diḵayu losan.

Colossians 3:15

Pasig oḵyan lin-awa ya sa timpuyuge innatod Kristu angituray atta somsomoḵyu te sana gapun ni namiliyan Apudyus ḵan diḵayu ta an-os-ossaan ḵayu we long-ag Kristu. Ḵad pasig ḵayu anggappiya ḵan Apudyus.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

Romans 8:6

Nu siya abus aḵ sosomḵon ni tagu da pion ni long-agna, ambanag atte matoyana. Yaḵon nu siya isisimoḵna mipanggob atte Ispiritu Santu, matagu ḵan malin-awaan aḵ inggana.

Romans 5:1

Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.

Ephesians 3:19

Taḵon ay nu ansigab aḵ maawatane ustu sanae ḵinabaḻun ni ayat Kristu, iluwaḻuḵe madog-adog-an oḵyan igammuyu inggana'ḵ miyisu da ugaliyu'tte ugalin Apudyus we naippun kurangna.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Revelation 1:4

Annaya suḻatḵu'tta pitu we gimung da namati'tte probinsiya'd Asia. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we inninggaw si awe, iinggaw sinsana ya aḵ inggana. Naḻpu bos atta pitu we ispiritu we inggaw si sangun ni tronona.

Luke 1:79

Dumatong ḵad, langḻangana da tagu we iinggaw si giḵbote maḵimute matoy, ya ipuyutna ditaḵu ta lumin-awa somsomoḵ taḵu.”

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

Luke 2:14

“Madaydayaw aḵ Apudyus ad langit. Anna lin-awa'tta tagu'd lutae mas-omana.”

Philippians 4:9

Da losane inadaḻyu ḵan saḵon, da dingngoḻyu ya innilayu, siya oḵyan pagay pasige unudonyu ya aḵ Apudyus we angitod si lin-awa, siya amuḻun ḵan diḵayu.

Romans 1:7

Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

Revelation 2:17

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, ittaḵ dida si nitataḻu we maḵane ngannonda manna. Ittaḵ os sin-ossa ḵan dida'tte itaḵe batu we sa nigiliyan ni baru we ngadane naippun osa'ḵ angigammu si sadi ye ngadan nu adi sa tagu we maittana.’ ”

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.

Philippians 1:2

Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Corinthians 10:5

Dadailonni da gapun ni ansosongbatan da ngaimane ampasindayawe anupod atte angigammuwan da tagu si mipanggob ḵan Apudyus. Ḵad pasantanni da losane somsomoḵ ta tuttuwaonda'ḵ Kristu.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Philippians 4:19

Pun aḵ Apudyus we anserbiyaḵ gapu'tte ḵinabaḵnangnae ippun ampatinggaana, siya angatod ḵan diḵayu'tta losane ḵasapuḻanyu mipagapu ḵan Jesu Kristu.

Philippians 4:21

Pakumustaoḵ da losane tagun Apudyus sinate da niyossaan ḵan Jesu Kristu. Da susunud taḵu ḵan Kristu we buḻunḵu sina, pakumustaonda bos diḵayu,