Biblia Todo Logo
Bib sou entènèt

- Piblisite -




Philippians 4:6 - Sa Ugud Apudyus

6 Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

Gade chapit la Kopi




Philippians 4:6
45 Referans Kwoze  

Itaḻgodyu ḵan Apudyus da losane binimbinsawyu te siya angayyuwan ḵan diḵayu.


Adi ḵayu miḵama ḵan dida te iniiggammun Apudyus ḵasapuḻanyu si daanyu ḵodawon.


Ipapatiyu we alluwaḻu ḵad ummanyu sosomḵon da panggobyu we iluwaḻu ya anggappiya ḵayu bos ḵan Apudyus.


Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.


Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.


Pun imbagan Jesus atta disipuluna annae pani ta tuttuduwana didae patilayunda alluwaḻu ya adida mappog.


Ḵanan Jesus atta disipuluna, “Pun annaya ibagaḵ ḵan diḵayu, adi ḵayu ambinsaw mipanggob si biyagyu, da ḵanonyu, baḵon nu mipanggob atta long-agyu ya da iḵabotyu.


Pasig oḵyan lin-awa ya sa timpuyuge innatod Kristu angituray atta somsomoḵyu te sana gapun ni namiliyan Apudyus ḵan diḵayu ta an-os-ossaan ḵayu we long-ag Kristu. Ḵad pasig ḵayu anggappiya ḵan Apudyus.


Ḵad pasig ḵayu anggappiya ḵan Apudyus we Ama atta losane banag atte ngadan Apu taḵu we Jesu Kristu.


Ḵanan Apu, “Martha, Martha, adu bos ay da ambinsawam.


Adimpun ḵamman Apudyus itton ḵalintogan da pinilinae tagu we anḵodaw aḵ ḵadagu ḵan siya si inaḻgaw ya nilabi? Itaḻyanna ḵamman badangna?


Ḵad nu sumaḻyaonda diḵayu, adi ḵayu ambinsaw mipanggob si inonyu we anaḵdoḻ si mipanggob ḵan saḵon ya sa isongbatyu te sa sadi ye timpu mipaigammu da ustu we ugudonyu.


Ḵad adiyu oḵyan ḵuttuḵuttumon ḵatti nu lamogyu ḵanonyu ḵan inumonyu baḵon nu adi ḵayu ambinsaw.


Bumadang ḵayu bose angiluwaḻu ḵan diḵani. Te nu adu da angiluwaḻu ḵan diḵani, adu bos da anggappiya ḵan Apudyus gapu'tte bindisyune innatodna ḵan diḵani mipagapu'tta adu we luwaḻu.


Sa pioḵ, ippun oḵyan ambinsawanyu. Sa laḻaḵi ye ippun asawana, ipapatina oḵyane angwa'tta banage paḵwan Apu ḵan siya ḵad siya sosomḵona inonae angwa'tta mas-oman Apudyus.


Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.


Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.


Nu musassuḵa'tte namiliyana ḵan siḵa'ḵ amati, ippun ḵanana nu pagatupame ammusassu. Yaḵon nu awad gundawaynu'ḵ mapuḵayan si nammusassuwam, ḵoom sanat.


Pun adi ḵayu bos ambinsaw atta ampaḵaḻamane dumatong appigat. Te sa umali ye aḻgaw, awad de ḵuwanae binimbinsaw. Sa binimbinsaw atte osae aḻgaw lamog ni sanate aḻgaw, pun adi taḵu amo dog-an.”


Pun annaya ibagaḵ ḵan siḵa. Umuna, ḵasapuḻane iluwaḻuwan taḵu da losane tagu ya anḵodaw taḵu ya anggappiya taḵu ḵan Apudyus para ḵan dida.


Sa baḻu we ippun paat osa'ḵ angayyuwan ḵan siya, namnamaonae aḵ Apudyus bumadang ḵan siya. Ḵad pagapagatupanae alluwaḻu ya anḵodaw aḵ badang atte inaḻgaw ḵan nilabi.


Swiv nou:

Piblisite


Piblisite