Philippians 4:10 - Sa Ugud Apudyus

¹⁰ Amod de layadḵu si niyossaanaḵ ḵan Apu te sinsadi nawayaan ḵayu bos ḵasine bumadang. Nabayag ḵammose ippun bummadanganyu yaḵon daḵampun aḵ gapu ta naliwatanyu saḵon te igammuḵe naippun wayayu we angipaila si layadyu we bumadang.

Philippians 4:10 Referans Kwoze

2 Corinthians 11:9

Sa inninggawaḵ ḵan diḵayu, adiyaḵpun nanḵodaw ḵan diḵayu si awad de ḵasapuḻaḵ te da susunud ḵan Kristu we naḻpu'd Macedonia da nangitod atta masapuḻḵu. Ḵad ḵatti bos ḵooḵ si umali ye aḻgawe adiḵpun paat ampaḵaḻamon diḵayu'tta masapuḻḵu.

Galatians 6:6

Sa matuttuduwan atte Ugud Apudyus, ḵasapuḻan oḵyane ibillayana antuttudu ḵan siya'tta losane ambaḻu we awad ḵan siya.

Philippians 1:3

Nu iḵagasmoḵḵu diḵayu, anggappiyaaḵ ḵan Apudyus we anserbiyaḵ.

Galatians 6:10

Pun nu mawayaan taḵu pagatupan taḵu we angwa si ambaḻu'tta losane tagu, amod ay da susunud taḵu we namati.

2 Corinthians 6:7

Ḵad mipaila bos gapu'tte angituttuduwanni si ḵatuttuwaan ḵan ḵabooḻan Apudyus we ipailana mipagapu ḵan diḵani. Anna ḵan diḵani naun-unane antatagu gapu ḵan Kristu, siya isun di ispada ḵan ḵaḻasage usaronni ye maḵagubat atta bumusuḻ ḵan Apudyus.

Philippians 2:30

te tigangay matoy gapu si ḵewaaḻe impaḵwan Kristu ḵan siya ḵad impustana biyagna si bumadangana ḵan saḵon atte ḵamaidyu.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.