Philippians 3:6 - Sa Ugud Apudyus

⁶ Pun nu mipanggob si angipadasane angipapati, nampaḵaḻamoḵ da namati ḵan Jesus. Pun nu mipanggob si naun-unan ni tagu gapu'tte nanuttuwaanda'tta lintog Moses, naippun nangkurangaḵ.

Philippians 3:6 Referans Kwoze

Acts 8:3

Yaḵon aḵ Saul iggaigganae namaḵaḻam atta namati ye magimugimung ḵad linnoḵna da boḻoyda woḵ nalluyluy atta laḻaḵi ḵan da bubai pun impaibaḻudna dida.

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

1 Corinthians 15:9

Te saḵon ḵababaan atta apostol, ippun oḵyan ḵaḻabbongaḵe maawagan aḵ apostol te nampaḵaḻamoḵ da magimugimunge namati ḵan Apudyus.

Romans 7:9

Sa naḻaḵpuse aḻgaw, nat-opaḵ si nantataguḵ te adiḵpun inigammu ustu we pion ni lintog ḵanan. Yaḵon naawataḵ ḵad piona ḵanan, naawataḵ ose gagangaye ḵabasbassuḻanaḵ ya isuḵ natoye nisina ḵan Apudyus.

Acts 26:5

Nabayage igammuda saḵon inggan ni nidogaaḵ atte grupun da Pharisee ye angipapati si religionni ya impapatiḵe nanuttuwa'tta lintogda. Maḵwae panoḵnoḵandae tuttuwa da anna nu pionda.

Acts 21:20

Dingngoḻda ḵad sadi, indaydayawda'ḵ Apudyus woḵ ḵananda ḵan siya, “Susunud taḵu ḵan Kristu, pionni ye sosomkome ḵalibulibu belang da Judyu we namati ḵan Jesus ya amo ipapatidae angunud si lintog Moses.

Luke 1:6

Naun-unandae an-asawa'tte antotollong Apudyus ya ippun nangkuranganda si nanuttuwaanda'tta losane lintogna ya sa tuttuduna.

Matthew 23:25

“Ḵaddagu ḵayu, diḵayu we Pharisee ya da mimistulun ni lintog. Ḵapappaila ḵayu! Iissuyu tagu we ḵiwasanae abus labaw ni tasa ya sa ubot ni palatu! Yaḵon ad daḻom atta somsomoḵyu, amo ḵamommod ḵayu ya pasigyu kulukon da asintataguyu.

Acts 22:5

Ḵad maḵwae panoḵnoḵan ni ḵangatuwane padi ya da losane ḵuḵunsisaḻ we pallakayon da Judyu we tuttuwa sadi te didae mismu nangidagas ḵan saḵon atte suḻat ta iyoyḵu'tta susunud taḵu we iyIsrael ad Damascus. Pun ummoyaḵ sidi ta andoḵmaaḵ atta namati ḵan Jesus ya pusasaḵ dida ya iyoyḵu dida'd Jerusalem ta madusada.

1 Corinthians 10:32

Ḵad ummanyu ta adiyu ḵoon bumasuḻan da udum taḵon ay da Judyu baḵon nu Gentil baḵon nu da magimugimunge namati ḵan Apudyus.

Philippians 2:15

ta naippun idellawda ḵan diḵayu we abeng Apudyus ya ambaḻu da losane ugaliyu. Te taḵon ay nu maḵaigaw ḵayu'tta lawweng ya ḵabasbassuḻane tagu si annae lubung, naippun oḵyan angkuranganyu ta miyisu ḵayu'tta bituwone lumanglangḻang silawda'tte labi.