Philippians 2:4 - Sa Ugud Apudyus

⁴ Sa sosomḵonyu oḵyan, daḵampun si bumaḻuwanyu we abus yaḵon sa bumaḻuwan oḵyan os da buḻunyu.

Philippians 2:4 Referans Kwoze

1 Corinthians 10:24

Daḵampun oḵyan aḵ abus bumaḻuwan taḵu'ḵ somsomḵon taḵu yaḵon sa bumaḻuwan os da udum.

Romans 15:1

Ditaḵu we ampigsa da pammati taḵu, ḵasapuḻane anusan taḵu da anḵuya da pammatida. Daḵampun aḵ abus bumaḻuwan taḵu'ḵ somsomḵon taḵu.

James 2:8

Nu tuttuwaonyu da ḵapatogane Ugud Apudyus we impaigilina si awe ye ḵanana, “Ḵasapuḻane ayatom da asintatagume isun ni an-aayatnu'tte long-agnu.” Nu pasigyu unudon annae ugud, ambaḻu da ḵoonyu.

Romans 12:15

Maḵalaylayad ḵayu'tta allaylayad ya maḵadomdom ḵayu'tta andomdom.

2 Corinthians 11:29

Te nu ḵumuya osa, ḵumuyaaḵ os. Ḵad nu awad masulisug aḵ maḵabasuḻ, sumangaaḵ atte nanulisug.

Matthew 18:6

Pinagatupan Jesus woḵ ḵanana, “Yaḵon ngaimane anulisug ta maḵabasuḻ taḵon ay osa'tta annae ḵamḵamae tagu we amati ḵan saḵon, un-unnoyna nu mitaḵod daḵoḻe binatu we gilingan si bagangna ya maanud atte ḵaadaḻoman ni baybay.

2 Corinthians 6:3

Ummanni gay atta ḵoonni ta ippun lumawengan ni somsomoḵ da asintataguni ḵan maḵabasuḻanda ta ippun oḵyan madellaw atta sanae ḵoonni si anserbiyanni ḵan Apudyus.

Philippians 2:21

Te da udume tagu, siya abus aḵ singsingtonda pipion ni somsomoḵda, daḵampun si pinion Jesu Kristu ḵoonda.