Philippians 2:19 - Sa Ugud Apudyus

¹⁹ Nu iyunud Apu Jesus, namnamaoḵe adipun manunnuwan ya ibuunku'ḵ Timothy ḵan diḵayu ta mipauli ḵad ya ug-uggudona mipanggob ḵan diḵayu, lumayadaḵ ya lumayad ḵayu bos.

Philippians 2:19 Referans Kwoze

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

1 Thessalonians 3:2

Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Philippians 2:28

Pun pioḵ pagaye paoyonon ta lumayad ḵayu ḵasin nu ilanyu ya lumin-awa bos somsomoḵḵu.

James 4:15

Pun ḵananyu oḵyane, “Nu siya pion Apu, matagu ḵani ya ḵaḵna ḵan ḵatti da ḵoonni.”

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

Ephesians 1:13

Ḵad diḵayu bose niyossaan ḵan Kristu, dingngoḻyu ḵad ḵatuttuwaane Ugudna we sa Ambaḻu we Damag mipanggob atte mataguwanyu, namati ḵayu ḵan Kristu woḵ namaḻḵaan ḵayu si Ispiritu Santu we inkarina.

Romans 16:21

Aḵ Timothy ye buḻunḵu we nanḵewaaḻ, pakumustaona diḵayu, isuna bos atta dogaḵe Judyu we da Lucius ḵan Jason ya aḵ Sosipater.

Romans 15:12

Ḵad awad os inggilin Profeta Isaiah we ḵanana, “Awad de ganaḵ Jesse we asi umali ta angipangat atta Gentil. Siya namnamaonda.”

Matthew 12:21

Ḵad siya abus aḵ namnamaon da losane tagu we anagu ḵan dida.”

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

Acts 16:1

Ummoy os da Paul ḵan Silas ad Derbe ya ad Lystra. Sidi inninggawan Timothy ye osae namati. Namati bos inanae Judyu yaḵon Gentil amana.

Philippians 2:18

Ḵad isunae allaylayad ḵayu ya maḵalaylayad ḵayu oḵyan os ḵan saḵon.

1 Thessalonians 3:5

Gapu'tte adiyaḵpun ogon maḵaanus si ayuḵ, imbuunku'ḵ Timothy te pioḵ igammuwon nu ngai inon ni pammatiyu. Nambinsawaḵ te maagyu ḵad ay tinuttuwa da subsub da susubsub, ippun ay anun ni ayongni'tte ḵewaaḻ para ḵan diḵayu.