Philippians 1:7 - Sa Ugud Apudyus

⁷ Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

Philippians 1:7 Referans Kwoze

2 Corinthians 7:3

Daḵampun aḵ imbagaḵ anna'ḵ pabasuḻoḵ diḵayu te tuttuwa sadi ye imbagaḵe ay-ayatonni diḵayu. Pun matagu taḵu man baḵon nu matoy taḵu, adipun paat maḵaan ayatni ḵan diḵayu.

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.

Colossians 4:18

Saḵon aḵ Paul we nangigili ye mismu si annae anungus ni annae suḻat. Kumusta ḵayu ya adiyu ḵappos saḵon maliwatane annaaḵ si babaḻḻudan. Awad oḵyan ḵan diḵayu ḵinabaḻu we maḻpu ḵan Apudyus.

Philippians 4:14

Yaḵon taḵon ay nu ḵatti, ambaḻu ḵingwayu we bummadang ḵan saḵon si timpu we nampaḵaḻamaḵ.

Ephesians 6:20

Te imbuun Kristu saḵon aḵ angiyugud ḵan siya ta ipaigammuḵ Ambaḻu we Damag we siya gapunae naḵawadanaḵ sinsadi. Pun iluwaḻuwanaḵ ud ta tumuḻodaḵe angiyugud ḵan siya te siya ustu we ḵooḵ oḵyan.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

Acts 20:23

Sa abuse igammuḵ mibaḻudaḵ ḵan mapaḵaḻamaḵ te pinanoḵnoḵan ni Ispiritu Santu ḵan saḵon atta losane siyudade ayaḵ.

1 John 3:14

Igammu taḵu we aditaḵupun ogon misina ḵan Apudyus we isun ni awe, pun sinsadi anna ḵan ditaḵu biyag aḵ inggana. Ḵad igammu taḵu ḵatuttuwaan te ay-ayaton taḵu da susunud taḵu ḵan Kristu. Sa tagu we adipun angayat atta asintataguna, isun di sissiyae natoy.

2 Peter 1:13

Sa ḵasomsomḵaḵ, ustu ipaspasmoḵḵu ḵan diḵayu da sana si sissiyae matattaguwaḵ.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

2 Timothy 1:8

Pun adiḵa mabaine angipanoḵnoḵ si mipanggob ḵan Apu. Adiḵa bos mabain gapu ḵan saḵone nibaḻud gapu'tte nanserbiyaḵ ḵan siya yaḵon anusam attoman ampaḵaḻamam gapu si angiwaḻagawagan taḵu'tte Ambaḻu we Damag. Attomam te papigsaon Apudyus siḵa.

1 Thessalonians 5:5

Te nambalin taḵu'ḵ abeng ni padda baḵon nu aḻgaw, daḵampun ogon aḵ anna taḵu si labi baḵon nu pongot.

Colossians 4:3

Iluwaḻuwanyu bos diḵani ta itton Apudyus ambaḻu we timpu si angiwaḻagawaganni'tte banage adipun nipaigammu si awe mipanggob ḵan Kristu te sana gapun ni nabaḻudaḵ.

Ephesians 4:1

Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

2 Corinthians 3:2

Diḵayu we mismu isun di suḻate angigammuwan da tagu'tte ḵewaaḻni. Isuyu suḻate nigili'tta pusuni gapu'tte amode ayatni ḵan diḵayu ḵad allasu we igammuwon ḵan maawatan da losane tagu.

1 Corinthians 13:7

Sa tagu we angayat atta asintataguna, pagatupanae angayat taḵon ay nu awad da ampaḵaḻaman baḵon nu maḵabasuḻ da udum ḵan siya. Ḵad pagatupanae amati ya annamnama.

1 Corinthians 9:23

Ḵooḵ losan da sana gapu'tte Ambaḻu we Damag ḵad maḵabillayaḵ atta bindisyune itton Apudyus ḵan dida.

Acts 21:33

Pun dinoḵmaan ni kumander aḵ Paul woḵ imbilinna'tta suḻdadu we ḵawadanda si duwae ḵawad. Naabus ḵad, ḵananae nan-imus, “Ngai annae tagu? Ngai ḵingwana?”

1 Peter 5:1

Awad de pioḵ ibaga ḵan diḵayu we angipangpangu'tta namati te osaaḵ ose angipangpangu. Osaaḵ ose nangila si nampaḵaḻaman Kristu ya midogaaḵ si ḵabaḻuwane antatagu ḵan Apudyus ad langit si umali ye aḻgaw.

Philippians 1:12

Susunudḵu ḵan Kristu, pioḵ ipaigammu ḵan diḵayu we sa naḵwa ḵan saḵon, daḵampun aḵ lawweng nambanagana yaḵon ambaḻu te ummadu da tagu we amati si Ambaḻu we Damag.

Philippians 1:13

Pun inigammun da losane suḻdadu we nangguwaḻda si palas ya da losane tagu sinae ippun udum aḵ gapun ni nibaḻudaḵ yaḵon sa anserbiyaḵ ḵan Kristu.

Philippians 1:14

Gapu bos atte nibaḻudaḵ, pummigsa taḻgodda ḵan Apu da ḵaaduwane susunud taḵu ḵan Kristu. Pun adidapun umogyat yaḵon amo tummuḻoddae angiwaḻagawag si Ugud Apudyus.

Philippians 2:22

Yaḵon aḵ Timothy ḵad, iniiggammuyu we ambaḻu ugalina te innilayu we isunin an-ama si ḵewaaḻni ye angiwaḻagawag atte Ambaḻu we Damag.

Philippians 4:3

Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.

Philippians 4:15

Diḵayu we iPhilippi, igammuyu we sa damun ni nangiwaḻagawagaḵ si Ambaḻu we Damag ḵan diḵayu si naḻpuwaḵ ad Macedonia, ippun udum atta namati ye magimugimung aḵ bummadang ḵan saḵon yaḵon abus ḵayu. Ḵad nambalin ḵayu'ḵ buḻunḵu we anserbi ḵan Kristu te nangitoitod ḵayu ḵan saḵon.

Philemon 1:13

Pioḵ oḵyane inggaw yan sina ta siya amasani ḵan siḵa'ḵ bumadang ḵan saḵon si annaaḵ si babaḻḻudan gapu si angiwaḻagawagaḵ si Ambaḻu we Damag.