Philippians 1:4 - Sa Ugud Apudyus

^4-5 Te inggan ni nangisaḻdanyu we namati inggana sinsana, binadanganaḵ si ḵewaaḻḵu we angipaigammu si Ambaḻu we Damag. Pun pasige amod de layadḵu we angiluwaḻu ḵan diḵayu losan.

Philippians 1:4 Referans Kwoze

1 Thessalonians 1:2

Susunud ḵan Kristu, pasig ḵani anggappiya ḵan Apudyus atte mipanggob ḵan diḵayu losan nu ibagatbatni diḵayu'tta luwaḻuni.

2 John 1:4

Amod de layadḵu si inigammuḵe da udume abengnu, siya unudonda ḵatuttuwaane imbilin Apudyus we Ama ḵan ditaḵu.

Romans 1:9

Aḵ Apudyus anaḵdoḻe pasigḵu diḵayu iḵagasmoḵ si alluwaḻuwaḵ. Siya anserbiyaḵ atte losane ḵabooḻaḵ atte angiwaḻagawagaḵ si Ambaḻu we Damag mipanggob si Abengna.

Philippians 2:2

Pun gapu ta tuttuwa losan da sana, ilanyu ud ta unudonyu ayat Kristu ya an-os-ossaanonyu somsomoḵyu ḵan panggobyu ya ilanyu bos ta an-iisu an-aayatyu ḵan an-os-ossaan ḵayu ta maganasanaḵe ustu.

Philemon 1:7

Sunudḵu ḵan Kristu, pinaḻayadaḵ ḵan sinoḻgagaḵ gapu si ayatnu. Siya bos nansosoḻgagnu'tta somsomoḵ da losane tagun Apudyus sinat.

Colossians 2:5

Taḵon ay nu naippunaḵ ḵan diḵayu sinat, sosomḵoḵ diḵayu ya amod de layadḵu si dingngoḻḵu we nauḻnus ḵayu ya ampigsa da pammatiyu ḵan Kristu.

Philippians 4:1

Pun diḵayu we susunudḵu ḵan Kristu, ipapatiyu we amati ḵan Apu. Ay-ayatoḵ ya amod ayuḵ ḵan diḵayu te diḵayu da amalayad ḵan saḵon ya diḵayu da isun di gungunaḵ atte ḵewaaḻḵu.

Philippians 3:18

Te adu da ḵabusuḻ Kristu we angngesnges-elanda natoyana'tte kros gapu'tta antataguda. Nangampigae imbagaḵ sana ḵan diḵayu si awe yaḵon iḵasinḵu ibagae sana ya maḵaluwaaḵ si somsomḵoḵ mipanggob ḵan dida.

Luke 15:10

Ḵanan Jesus we nangiyanungus, “Annaya ibagaḵ ḵan diḵayu, ḵatti bos gangganas ni bubai si nangdasana si nataḻaḵe palatana, anggangganas aḵ Apudyus ya da anghelna nu awad ambabawi'tta basuḻna ya agaynae angwa taḵon ay ossaane ḵabasbassuḻan.”

Luke 15:7

Iyyanungus Jesus ḵanan, “Annaya ibagaḵ ḵan diḵayu, ḵatti bose amod de ganas Apudyus ya da anghelna'd langit atte osae ḵabasbassuḻane ambabawi'tta basuḻna ya agaynae angwa nu sa ganasda'tta siyampuḻu ya siyame naun-unane tagu we adidapun ḵasapuḻane ambabawi'tta basuḻda ya adidapun agaye angwa.”

Mark 5:5

Inaḻgaw ḵan nilabi, umoy anggaḵagaḵay si lilibbonan ya sa bebbelege ambogbogga ya sinugasugatna long-agna'tta batu.