Philippians 1:17 - Sa Ugud Apudyus

¹⁷ Yaḵon da sadi ye umapos ḵan saḵon, daḵampun aḵ naḻpu si pusuda angiwaḻagawaganda si mipanggob ḵan Kristu yaḵon siya singtonda midayawda. Ḵad sa somsomoḵda, ḵoonda ḵatti ta dumallu ampaḵaḻamaḵ si babaḻḻudan.

Philippians 1:17 Referans Kwoze

Philippians 2:3

Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

2 Timothy 4:16

Sa damu we nasumaḻyaaḵ, ippun pulus ummali'ḵ buḻunku'ḵ nangitaḵdoḻ ḵan saḵon. Losanda tinenan saḵon. Adin oḵyan pos Apudyus pabasuḻon dida'tte ḵingwadae lawweng ḵan saḵon.

1 Timothy 2:7

Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

Acts 26:24

Sa nanaḵdoḻan Paul atte long-agna, napapḵaaw aḵ Festus woḵ ḵanana, “Natingangḵa Paul! Sa ummamdane inadaḻnu natingangam!”

Acts 26:1

Pune sadi, ḵanan Ari Agrippa ḵan Paul, “Maḵwae an-ugudḵa ta taḵdoḻam long-agnu.” Pun intayag Paul imana ta taḵdoḻana long-agna woḵ ḵanana,

Acts 22:1

Ḵanana, “Diḵayu we aammaḵ ḵan susunudḵu we ganaḵ Israel, dongngonyu songbatḵu ḵan diḵayu.”

Luke 21:14

Imuḻayu'tta somsomoḵyu ta adi ḵayu ambinsaw atta isongbatyu.

Romans 2:8

Yaḵon da tagu we siya sosomḵonda da pionda ya adidapun tuttuwaon gapu si adidapun amatiyan si ḵatuttuwaan ḵad siya ḵoonda lawweng, aaddi ye dida angipail-an Apudyus si ummamdane sangana'tte timpu we anusaana ḵan dida.

Philippians 1:18

Yaḵon taḵon ay nu ḵatti ḵoonda, ippun ḵanana te lawweng man ḵan ambaḻu panggobda, siya ampatog miwaḻagawag mipanggob ḵan Kristu ḵad sanat allaylaydaḵ. Daḵampun aḵ abus sadi yaḵon pagapagatupaḵe allaylayad,

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.