Philippians 1:15 - Sa Ugud Apudyus

¹⁵ Tuttuwae annat da angiwaḻagawag si mipanggob ḵan Kristu gapu si aposda ḵan maḵaas-asselanda ḵan saḵon. Yaḵon annat pos pagay da udume ambaḻu panggobda.

Philippians 1:15 Referans Kwoze

Philippians 2:3

Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu.

2 Corinthians 11:13

Te da annae tagu sinan apostolda, allelawonda da tagu'tta losane ḵoonda ḵad ipailadae isun di tuttuwae apostol Kristu dida.

2 Corinthians 4:5

Te daḵampun aḵ sa mipanggob atta long-agni iwwaḻagawagni yaḵon sa mipanggob ḵan Jesu Kristu we Apu. Ḵad anserbi ḵani ḵan diḵayu gapu ḵan Jesus.

2 Corinthians 1:19

Te aḵ Jesu Kristu we Abeng Apudyus we iwwaḻagawagni ḵan da Silas ya aḵ Timothy ḵan diḵayu, adinapun baliwan ibagana nu adi pasige ituttuwana.

Matthew 23:5

Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda. Ḵad piondae alliḵliḵwose ansisillup atta langgoyod.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

2 Corinthians 12:20

Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

1 Corinthians 13:3

Ḵad taḵon ay nu ittoḵ losan da ḵuḵuwaḵ atta ḵapus ya idatunḵu long-agḵu ta siya isḵaḻḵu nu naippun ayatḵu'tta asintataguḵ, naippun paat maganabḵu.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

Acts 11:20

Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 10:36

Igammuyu Ambaḻu we Damag we impaigammun Apudyus ḵan diḵani ye ganaḵ Israel. Impaigammun ni Ambaḻu we Damag ḵan ditaḵu inon ni allin-awae maḵabuḻbuḻunan taḵu ḵan Apudyus mipagapu ḵan Jesu Kristu we Apun da losane tagu.

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Acts 8:35

Pun illawlawag Philip we insaḻadna'tta sadi ye nigili ye Ugud Apudyus woḵ imbagana Ambaḻu we Damag mipanggob ḵan Jesus.

Acts 5:42

Ḵad inaḻgawe ummoyda'tte paway ni templo ya da boboḻoy ta pagapagatupandae angituttudu ya angiwaḻagawage aḵ Jesus siya Kristu.

Acts 8:5

Aḵ Philip ḵade osa ḵan dida, ummoy atte osae siyudad ad Samaria woḵ iwwaḻagawagna mipanggob ḵan Kristu.

Romans 2:8

Yaḵon da tagu we siya sosomḵonda da pionda ya adidapun tuttuwaon gapu si adidapun amatiyan si ḵatuttuwaan ḵad siya ḵoonda lawweng, aaddi ye dida angipail-an Apudyus si ummamdane sangana'tte timpu we anusaana ḵan dida.