Philemon 1:20 - Sa Ugud Apudyus

²⁰ Sunudḵu ḵan Kristu, patgam oḵyan ḵodawoḵ ya paḻayadonaḵ oḵyan ya papigsaom somsomoḵḵu gapu si pammatiḵ ḵan Apu.

Philemon 1:20 Referans Kwoze

3 John 1:4

Naippun udum aḵ amo nabaḻbaḻu'ḵ allaylaydaḵ yaḵon sa nangngoḻaḵe da abengḵu unudonda ḵatuttuwaan.

Philemon 1:7

Sunudḵu ḵan Kristu, pinaḻayadaḵ ḵan sinoḻgagaḵ gapu si ayatnu. Siya bos nansosoḻgagnu'tta somsomoḵ da losane tagun Apudyus sinat.

Philemon 1:12

Ḵad ampauliyoḵ aḵ Onesimus ḵan siḵa taḵon ay ansigab somsomoḵḵu'tte ayonana.

1 John 3:17

Pun nu awad osa'ḵ anna ḵuḵuwana, silupna, mabalinna ya innilana asintatagunae angkurang atta ḵasapuḻana yaḵon adinapun ḵinadaguwan, ngai inonae angibagae ay-ayatona'ḵ Apudyus?

Hebrews 13:17

Tuttuwaonyu da angipangpangu ḵan diḵayu ya unudonyu da bilinda te dida angayyuwan ḵan diḵayu ta sissiyae ampigsa pammatiyu te ḵasapuḻane songbatanda ḵan Apudyus nu ḵingwada da ḵewaaḻda. Tuttuwaonyu dida ta maganasandae angwa'tta ḵewaaḻda. Nu adiyu dida tuttuwaon, andadauyda ya naippun ittona'ḵ bumaḻuwanyu.

Philippians 4:1

Pun diḵayu we susunudḵu ḵan Kristu, ipapatiyu we amati ḵan Apu. Ay-ayatoḵ ya amod ayuḵ ḵan diḵayu te diḵayu da amalayad ḵan saḵon ya diḵayu da isun di gungunaḵ atte ḵewaaḻḵu.

Philippians 1:8

Igammun Apudyus ummamdane ayuḵ ḵan diḵayu te ay-ayatoḵ diḵayu we isun ni an-aayat Jesu Kristu ḵan diḵayu.

2 Corinthians 7:13

Pun annaya gapunae pummigsa ḵani. Daḵampun aḵ abus pummigsa ḵani yaḵon amod os layadni te allaylayad aḵ Titus we nangugud ḵan diḵani ye lummin-awa somsomoḵna gapu ḵan diḵayu.

2 Corinthians 2:2

Te diḵayu abus aḵ amalayad atte somsomoḵḵu. Ḵad nu paḻawengoḵ somsomoḵyu, ngai amalayad ḵan saḵon nu?

1 Corinthians 16:18

Te sinoḻgagda somsomoḵḵu ya isuna bose sinoḻgagda da somsomoḵyu. Labbongnae mabigbig da tagu we ḵaḵna.