Philemon 1:19 - Sa Ugud Apudyus

¹⁹ Ilam ḵad! Saḵone mismu nangigili si anna ya nampilma ta angigammuwame ituttuwaḵ da imbagaḵ. Saḵon aḵ Paul. Bayadaḵ utang Onesimus. Yaḵon adim maliwatane nautanganḵa ḵan saḵon gapu'tte baru we biyagnu te binadangaḵ siḵae nambalin aḵ kristianu.

Philemon 1:19 Referans Kwoze

Galatians 6:11

Saḵone mismu nangigili si annae anungus ni suḻat. Ilanyu ḵadanaḵḵoḻ ni giliḵ!

Galatians 5:2

Andongoḻ ḵayu! Saḵon aḵ Paul. Ibagaḵ ḵan diḵayu we nu ampasogyat ḵayu, piona ugudone ippun anun Kristu ḵan diḵayu.

1 Corinthians 4:15

Te taḵon ay nu adipun mabelang da angayyuwan ḵan diḵayu ḵan Kristu, ossaan amayu. Te saḵon nambalin aḵ amayu gapu si niyossaananyu ḵan Jesu Kristu mipagapu si Ambaḻu we Damag.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

1 Timothy 1:2

Annaya suḻatḵu ḵan siḵa Timothy ye ibelangku'ḵ tuttuwae abengḵu'tte pammati ḵan Jesu Kristu. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Corinthians 3:2

Diḵayu we mismu isun di suḻate angigammuwan da tagu'tte ḵewaaḻni. Isuyu suḻate nigili'tta pusuni gapu'tte amode ayatni ḵan diḵayu ḵad allasu we igammuwon ḵan maawatan da losane tagu.

Romans 16:22

Saḵon aḵ Tertius we nangigili si annae suḻat, pakumustaoḵ diḵayu we amati ḵan Apu Jesus.

2 Corinthians 9:4

Te nu umaliyaḵ sinat ya awad mibuḻun ḵan saḵon atta susunude iMacedonia ya odasanni diḵayu we daampun maḵasagana'tta badangyu, madismayaaḵe gattoḵ ḵad isuna bose madismaya ḵayu te antaḻgod ḵani ye naḵasagana ḵayu.

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

Philemon 1:18

Nu awad basuḻna baḵon nu utangna ḵan siḵa, saḵon ansingilam.