Matthew 9:16 - Sa Ugud Apudyus

¹⁶ “Naippun tagu'ḵ ituḵupna baru we lupute adipun yan misaḵsaḵ si dadaane silup te nu mituḵup si dadaane luput ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna.

Matthew 9:16 Referans Kwoze

John 16:12

“Adu oḵyan da ibagaḵ ḵan diḵayu yaḵon adiyupun lamog maawatan sinsadi.

1 Corinthians 13:13

Pun sana da tuḻu we iinggaw aḵ inggana: sa pammati, namnama ya sa ayat. Yaḵon sa ḵapatogan atta anna ayat.

Matthew 9:15

Impanin Jesus we summongbat woḵ ḵanana, “Andadauy ḵamman da buḻbuḻun ni angasawae laḻaḵi nu awad ḵan dida? Yaḵon sa umali ye aḻgaw nu miyadayu nangasawae laḻaḵi ḵan dida, sadi timpu we allaunda.”

Matthew 9:17

Naippun os tagu'ḵ ibilungna inabuyu'tte dadaane geddange bibillungan. Te nu ḵoona ḵaḵna, bumtaḵ sadi ye geddange bibillungan ḵad umabuyang bayas ya madadail geddange bibillungan. Yaḵon ḵasapuḻane ibilung oḵyan inabuyu si baru we geddange bibillungan ta an-isu we dumadaanda.”

Mark 2:21

Ḵanan os Jesus we nangipani, “Naippun tagu'ḵ ituḵupna baru we lupute adipun nisaḵsaḵ si dadaane silup te nu mituḵup si dadaane silup ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna.

2 Corinthians 9:12

Te sa sanae anserbiyanyu, daḵampun ay aḵ abuse maatod ḵasapuḻan da tagun Apudyus yaḵon amo umaduadu bos da tagu we anggappiya ḵan siya.

Luke 5:36

Ḵanana bose nangugud ḵan dida si sanae pani, “Naippun tagu'ḵ pissayona baru we luput ta ituḵupna'tte dadaane silup. Te nu ḵoona ḵaḵna, sa baru we luput madadail ya adipun os miyapot atte dadaan.