Matthew 7:7 - Sa Ugud Apudyus

⁷ Ḵanan os Jesus, “Anḵodaḵodaw ḵayu oḵyan ḵan Apudyus woḵ ittona ḵan diḵayu. Singsingtonyu oḵyan woḵ odasanyu ya iggaiggayu oḵyane anḵugḵug woḵ mabuḵtan onob para ḵan diḵayu.

Matthew 7:7 Referans Kwoze

Matthew 21:22

Nu awad pammatiyu ḵan Apudyus, ittona da losane ḵodawonyu nu alluwaḻu ḵayu ḵan siya.”

1 John 3:22

Ḵad da ngaimane ḵodawon taḵu ḵan siya, ittona gapu'tte anuttuwaan taḵu'tta bilinna ya sa angwaan taḵu'tta mas-omana.

John 15:7

Nu iinggaw ḵayu ḵan saḵon ya nimuḻa ugudḵu'tta somsomoḵyu, ngaimane ḵodawonyu maatod ḵan diḵayu.

Mark 11:24

Pun ngaimane ḵodawonyu ḵan Apudyus, aaddi ye ittona nu patiyonyu.

Matthew 6:33

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Matthew 7:8

Te ngaimane anḵodaw ḵan Apudyus maittan ya ngaimane ansingit, maḵaodas. Ḵad ngaiman ose anḵugḵug, mabuḵtan onob para ḵan siya.

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

Hebrews 11:6

Ḵad nu ippun pammatin ni osae tagu, adipun paat mas-om aḵ Apudyus ḵan siya. Te ngaimane umadani ḵan Apudyus, ḵasapuḻane patiyonae gungunaana da angngit ḵan siya.

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

Matthew 18:19

“Ibagaḵ os ḵan diḵayu, nu awad antaddayan da duwa ḵan diḵayu sina'd luta mipanggob si ḵodawonyu ḵan Amaḵ ad langit, maatod ḵan diḵayu da ḵodawonyu.

James 5:15

Ḵad nu alluwaḻudae mipagapu si pammatida ḵan Apu Jesus, ḵumosdoḻ te ḵaanon Apu saḵitna. Ḵad nu naḵabasuḻ, mapakawan.

Luke 18:1

Pun imbagan Jesus atta disipuluna annae pani ta tuttuduwana didae patilayunda alluwaḻu ya adida mappog.

Matthew 7:11

Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton ambaḻu'tta anḵodaw ḵan siya. Sana mungimung ni tuttudun Jesus mipanggob atte luwaḻu.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 3:11

Naippun ossaan aḵ maḵaawat si ḵatuttuwaan ḵan ippun ossaan aḵ maḻyad angigammu ḵan Apudyus.