Matthew 7:29 - Sa Ugud Apudyus

²⁹ Te nantuttudu ḵan didae isun ni osae anna ḵaḻabbongana ya daḵampun aḵ isun da mimistulun ni lintog.

Matthew 7:29 Referans Kwoze

Luke 20:8

Pun ḵanan Jesus ḵan dida, “Nu ḵaḵnat, umadiḵ os ibaga nu ngai nangitod si ḵaḻabbongaḵe angwa'tta sana.”

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Matthew 5:44

Yaḵon ibagaḵ ḵan diḵayu we andongoḻ. Pagatupanyu ayaton da ḵabusuḻyu ya pagatupanyu iluwaḻuwan da amaḵaḻam ḵan diḵayu,

Matthew 5:32

Yaḵon sa ibagaḵ ḵan diḵayu we laḻaḵi, adiyu idangan da asawayu, malaksid nu naḵadagdagas bubai. Te nu ḵoonyu ḵaḵna, diḵayu angwa si maḵabasuḻan ni bubai si dagdagas nu ḵasin angasawa. Ḵad ngaimane angasawa si bubai ye inidanganyu, maḵabasuḻ si dagdagas.”

Matthew 5:28

Yaḵon ibagaḵ ḵan diḵayu we ngaimane angitotollong si bubai ya pionae adaḻugon, nagagangput naḵabasuḻ si dagdagas atte somsomoḵna.

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Matthew 7:28

Naabus ḵade inugud Jesus ḵaḵna, sintataag da nadagupe tagu si inonae nantuttudu.

Matthew 8:1

Nan-osog ḵad aḵ Jesus we naḻpu'tte beleg, adu da tagu we nibuḻun ḵan siya.