Matthew 7:11 - Sa Ugud Apudyus

¹¹ Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton ambaḻu'tta anḵodaw ḵan siya. Sana mungimung ni tuttudun Jesus mipanggob atte luwaḻu.

Matthew 7:11 Referans Kwoze

James 1:17

Aḵ Apudyus ad langit naḻpuwan da losane ambaḻu ḵan gattoḵe atod. Siya bos nangwa'tta losane sumilaw ad langit. Ḵad taḵon ay nu ambaliw ḵatollongan da sana, adipun paat ambaliw aḵ Apudyus.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

1 John 4:10

Ḵad sana gattoḵe ayat: Daḵampun atte ayat taḵu ḵan Apudyus yaḵon sa ayatnae impailana ḵan ditaḵu si nangibuunana si Abengna ta siya angidatun atte long-agna ta maḵaan sangan Apudyus ya mapakawan da basuḻ taḵu.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Romans 3:9

Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil.

Matthew 7:10

Ḵad nu anḵodaw aḵ ugadiw, ittonyu ḵad ain uḻog? Naid.

Matthew 23:9

Ḵad ḵasapuḻane adiyu awagan aḵ ‘Ama,’ osae tagu'tte annae luta te abuse ossaan Amayu we awad ad langit.