Matthew 6:2 - Sa Ugud Apudyus

² “Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 6:2 Referans Kwoze

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

John 5:41

“Adiḵpun pion dayawe maḻpu'tta tagu,

Hebrews 13:16

Adi taḵu maliwatane angwa'tta ambaḻu ya allaay taḵu we angitod atta anḵasapuḻ te ḵatti datune mas-oman Apudyus.

Luke 20:46

“Ummanyu'tta mimistulun ni lintog te piondae alliḵliḵwose ansisillup atta langgoyod. Ampilida'tta ḵabaḻuwane tutuḵduwan atta sinagoga ya pionda bose mapatganda'tta ampakumusta ḵan dida'tta lugar we andaḵdaḵngan da adu we tagu. Ḵad pipionda midayawda nu awad gayagaya.

John 7:18

Sa tagu we antuttudu we maḻpu si somsomoḵna, siya singtona midayawana. Yaḵon sa tagu we siya singtona dayaw ni nangibuun ḵan siya, pasige ustu ya tuttuwa da ibagana.

1 Peter 4:11

Sa innattan Apudyus aḵ ḵabooḻane angiwaḻagawag, ḵasapuḻane sosomḵonae siya iwaḻagawagna Ugud Apudyus. Sa naittan aḵ ḵabooḻane anserbi'tta buḻunna, ḵasapuḻane anserbi ye usarona pigsae itton Apudyus ḵan siya ta da losane banage ḵoonyu, midaydayaw aḵ Apudyus mipagapu ḵan Jesu Kristu. Siya madaydayaw ḵan maḵabooḻe ampangat aḵ inggainggana. Amen.

Ephesians 4:28

Nu awad aḵḵawan ḵan diḵayu, iginoḵna oḵyan yaḵon ipapuutnae anḵewaaḻ aḵ iḵataguna ta awad ibadangna'tta anḵasapuḻ.

Galatians 2:10

Abus aḵ ḵindawda ḵan diḵani pagatupanni ye bumadang atta ḵamḵamae Judyu we siya pasigḵu isisimoḵ ḵoon.

Acts 10:4

Immumusḵoḻ Cornelius te naḵimtan woḵ ḵanana, “Apu, ngai ibagam?” Ḵanan ni anghel, “Dingngoḻ Apudyus da luwaḻum ya inigammunae allaayḵa'tta ḵapus.

1 Timothy 6:18

Bilinom os dida ta ḵoonda da adu we ambaḻu we banag ta da adu we ambaḻu we ḵoonda isudan tuttuwae binaḵnang. Allaayda oḵyan ya ibillayanda da buḻunda.

Romans 12:8

Da innattan Apudyus aḵ ḵabooḻane ansoḻgag aḵ pumigsaan da pammatin da udum, ansoḻgagda oḵyan. Ḵad da innattan Apudyus aḵ ḵabooḻane angitod, angitodda oḵyane naḻpu'tta pusuda. Ḵad da naittan aḵ ḵabooḻane angipangpangu, ipapuutda oḵyane angwa. Ḵad da naittan aḵ ḵabooḻane ḵumadagu'tta ampaḵaḻam, allaylayadda oḵyane angwa.

Acts 24:17

“Naḻaḵpus ḵad pigan tawone naippunaḵ ad Jerusalem, nipauliyaḵ os sidi ta ittoḵ pilaḵe badang atta ḵailiyaḵe Judyu we anḵasapuḻ ya nandatunaḵ os ḵan Apudyus atte templo.

Acts 10:31

Ḵanana ḵan saḵon, ‘Cornelius, dingngoḻ Apudyus luwaḻum ya insisimoḵna da ḵingwame allaayḵa'tta ḵapus.

Acts 10:2

Naapudyusan losan da Cornelius we simbaḻyan ya isipogda'ḵ Apudyus. Allaayda'tta ḵapus ya patilayunda alluwaḻu ḵan Apudyus.

Acts 9:36

Ad Joppa inninggaw bubai ye namati ye Tabitha ngadanna. Sa ngadanna'tte Greek we ugud Dorcas, piona ḵanan ugsa. Pasig ambaḻu da ḵoona ya bumabbadang atta ḵapus.

John 13:29

Gapu ta aḵ Judas nangdon si pilaḵda, ḵanampun da udum nu imbagan Jesus we umoy ngumina'tta masapuḻda si gayagaya baḵon nu angitod atte pilaḵ atta ḵapus.

John 5:44

Ngai inonyu we amati nu siya pionyu an-asidayaw ḵayu ḵad adiyupun sington dayawe maḻpu si ossaane Apudyus?

Luke 6:42

Ngaipam ḵamman ḵanan atte asintatagume, ‘Ḵaanoḵ ud buḻaw si atam,’ ya adimpun ilan setap si atam? Ḵapappailaḵa! Umuna oḵyane ḵaanom setap si atam ta pumataḵ ilam ya lamognu ḵaanon buḻaw si atan ni sunudnu.”

Philemon 1:7

Sunudḵu ḵan Kristu, pinaḻayadaḵ ḵan sinoḻgagaḵ gapu si ayatnu. Siya bos nansosoḻgagnu'tta somsomoḵ da losane tagun Apudyus sinat.

1 Thessalonians 2:6

Ḵad daḵampun aḵ singtonni dayawe maḻpu'tta tagu, diḵayu baḵon nu da udum taḵon ay nu ḵaḻabbonganni oḵyane ḵodawonni dayaw baḵon nu da masapuḻni ḵan diḵayu te diḵani da apostol Kristu.

Acts 11:29

Pun da namati'd Antioch simsimmoḵdae angidagasda'ḵ badang atta susunud ḵan Kristu atte probinsiya'd Judea. Nangitod sin-ossaossa'tte lamogna itton.

Luke 13:15

Summongbat aḵ Jesus woḵ ḵanana, “Diḵayu we ḵapappailae anuttuwa ḵan Apudyus, adiyupun ḵamman umoy uḵasan baḵa baḵon nu donkeyyu ya ummoyyu pinainuman atte umillongan?

Luke 12:56

Ngaipayu ḵamman mailasin da sinyal ni luta ḵan langit ya ippun igammuyu'tta sinyal Apudyus we mipanggob ḵan saḵon? Ḵapappaila ḵayu!”

Luke 12:33

Pun inginayu da ḵuḵuwayu ta ittonyu'tta ḵapus. Te nu ḵoonyu ḵaḵna, isuyun amompon aḵ binaḵnang ad langite annat atta pitaḵayu we adipun maaminan aḵ pilaḵ ya ippun angaḵaw ḵan anadail.

Luke 11:43

“Ḵaddagu ḵayu we Pharisee! Te ampili ḵayu'tta ḵabaḻuwane tutuḵduwan atta sinagoga ya pionyu bose mapatgan atta ampakumusta ḵan diḵayu'tta andaḵdaḵngan da adu we tagu.

Luke 11:41

Sa unaonyu ḵoon, papoḻḵasonyu da somsomoḵyu ya allaay ḵayu'tta ḵapus. Te nu ḵoonyu ḵaḵna, pumoḻḵas losane ḵinatataguyu.

Luke 6:24

Yaḵon ḵaddagu ḵayu we baḵnang, te abus sinsadi'ḵ allaylaydanyu.

Mark 7:6

Ḵanan Jesus, “Tuttuwa imbagan Apudyus ḵan Profeta Isaiah atte inggilina'tte Ugud Apudyus we mipanggob ḵan diḵayu we ḵapappailae ḵanana, “ ‘Da annae tagu, andayawda ḵan saḵon atta sungadda, yaḵon adayu da somsomoḵda ḵan saḵon.

Matthew 24:51

dusaonae ustu ya idogana si igaw da ḵapappailae igaw da umibiibil ya ngumalitod babada.”

Matthew 23:6

Ampilida'tta ḵabaḻuwane tutuḵduwan atta sinagoga ya pionda bose mapatganda'tta ampakumusta ḵan dida'tta andaḵdaḵngan da adu we tagu. Ḵad pipionda midayawda nu awad gayagaya. Ḵad piondae maawaganda'ḵ ‘Mistulu.’

Matthew 22:18

Yaḵon igammun Jesus we lawweng panggobda, pun ḵanana ḵan dida, “Diḵayu we ḵapappaila! Ngaipayu saḵon siḵapan?

Matthew 16:3

Ḵad nu bigbigat si dumingit init ya allilidaga'd langit ḵan anggiḵbot da libuu, ḵananyu bose, ‘Umudan aḵ uni!’ Ngaipayu lamog imatunan da sinyal ni lubung ḵan langit ya adiyupun lamog imatunan da sinyal Apudyus we maḵwa si sanae aḻgaw?

Matthew 15:7

Ḵapappaila ḵayu! Tuttuwa pagay impadtun Profeta Isaiah si mipanggob ḵan diḵayu we ḵanana,

Matthew 7:5

Ḵapappailaḵa! Umuna oḵyane ḵaanom setap si atam ta pumataḵ ilam ya lamognu ḵaanon buḻaw si atan ni sunudnu.”

Matthew 5:18

Ibagaḵ ḵan diḵayu ḵatuttuwaan, taḵon ay nu mawawan langit ḵan luta, naippun paat mataḻaḵ, taḵon ay simpattoḵe Lintog Apudyus inggana'ḵ mituttuwa da panggob Apudyus.

Matthew 6:3

Nu awad ibadangnu'ḵ ittom si anḵasapuḻe tagu, iyaggaḵawnu we angitod ta adi maigammu taḵon ay ḵaadaniyane buḻbuḻunnu. Ḵad aḵ Ama taḵu we nangitotollong si ḵingwame mitataḻu gungunaana siḵa.”

Matthew 23:5

Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda. Ḵad piondae alliḵliḵwose ansisillup atta langgoyod.

1 Corinthians 13:3

Ḵad taḵon ay nu ittoḵ losan da ḵuḵuwaḵ atta ḵapus ya idatunḵu long-agḵu ta siya isḵaḻḵu nu naippun ayatḵu'tta asintataguḵ, naippun paat maganabḵu.