Matthew 5:8 - Sa Ugud Apudyus

⁸ Pian da tagu we ipapatidae ustu sosomḵon aḵ Apudyus te aaddi ye ilanda'ḵ Apudyus si umali ye aḻgaw.

Matthew 5:8 Referans Kwoze

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

Hebrews 12:14

Pangganyu allin-awae maḵabuḻbuḻunanyu'tta losane tagu ya mitotoḵḵon ḵayu'ḵ taguna ta bumaḻu ugaliyu te nu adi tagu ḵaḵnat adinapun ilan aḵ Apu.

James 4:8

Umadani ḵayu ḵan Apudyus woḵ umadani bos ḵan diḵayu. Diḵayu we ḵabasbassuḻan, papoḻḵasonyu da antataguyu ya diḵayu bose anduwaduwa, isisimoḵyu we angunud ḵan Apudyus.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

Titus 1:15

Da tagu we pinapoḻḵas Apudyus atte nangaanana'tta basuḻda, losane banag ḵawagase mibelangda'ḵ ampoḻḵas piona ḵanan maḵwae ḵanonda baḵon nu usaronda dida. Yaḵon da tagu we adimpun Apudyus pinapoḻḵas ḵan adipun amati, losane banag mibelangda'ḵ ḵaissaw. Adidapun lamog imatunan lawweng ḵan ambaḻu ya sa somsomoḵda adipun lawweng nu ḵoonda lawweng.

Acts 15:9

Ippun laḵsigon Apudyus ḵan ditaḵu ya dida te pinapoḻḵasna somsomoḵda mipagapu'tte pammatida.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

1 Corinthians 13:12

Isuna ḵan ditaḵu we namati te sa antotollong taḵu ḵan Apudyus sinsana an-ugabbae isun di alladawan si an-ugabbae ladawan. Yaḵon sa umali ye timpu ilan taḵu we mismu. Sinsana aḵit igammu taḵu ḵan siya yaḵon sa umali ye timpu igammuwon taḵu losan mipanggob ḵan siyae isun ni nangigammuwana mipanggob ḵan ditaḵu.

Revelation 22:4

Ḵad ilanda bosaḻna ya migili ngadanna'tta ḵidayda.