Matthew 5:48 - Sa Ugud Apudyus

⁴⁸ Pun ḵasapuḻane ippun angkuranganyu we isun Apudyus we Amayu'd langite ippun angkurangana.”

Matthew 5:48 Referans Kwoze

James 1:4

Ḵad ḵasapuḻane pagatupanyu papigsaon pammatiyu inggana si anungus ta maangsan ḵayu ḵan bumaḻubaḻu ugaliyu inggana'ḵ ippun ogon kurangna.

Luke 6:36

Pun patilayun ḵayu oḵyan ḵumadagu we isun Apudyus we Amayu we patilayun ḵumadagu.”

Colossians 1:28

Iwaḻagawagni'ḵ Kristu atta losane tagu we usaronni losane laingni ye amagbaga ya angituttudu'tta losane tagu ta da pammatida ippun oḵyan kurangna'tte antotollong Apudyus yaḵon amo maangsanda'tte niyossaananda ḵan Kristu.

1 John 3:3

Sa tagu we annamnama'tta sanae banag gapu ḵan Kristu, papoḻḵasonae mismu long-agnae isuna'ḵ Jesus.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

Luke 6:40

Naippun os uswila'ḵ nangatu nu sa mistuluna yaḵon nu gangputona uswilana, isuna mistuluna.”

Matthew 5:16

Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”

Matthew 5:45

ta mipailae diḵayu tuttuwae abeng Amayu'd langit. Te ḵan siya, iyyunudna inite ḵingwana'ḵ lumangḻang atta naun-unane tagu we isuna bos atta tagu we angwa'tta lawweng ya innatodna bos udan ta maudanan lutan da tagu we angwa'tta pinion Apudyus ya da tagu we angwa'ḵ lawweng.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

2 Corinthians 13:9

Te allaylayad ḵani nu anḵuya ḵani ya anḵosdoḻ ḵayu. Ḵad sa iluwaḻuni ḵan Apudyus, bumaḻubaḻu oḵyan antataguyu ya pumigsa pammatiyu we ippun kurangna.

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

Matthew 5:47

Ḵad nu abus ay da ḵailiyanyu'ḵ pionyu ḵaug-uggud, ngai nisabaliyanyu'tta udum? Taḵon ay da Gentil we adipun angigammu ḵan Apudyus ḵoonda bos ḵaḵna.