Matthew 5:37 - Sa Ugud Apudyus

³⁷ Unnoyna ḵananyu we ‘On’ nu tuttuwa ḵan ‘Naid’ nu daḵampun. Da losane ituḻ-ayyu, maḻpu ḵan Satan we ḵaḻawengan.”

Matthew 5:37 Referans Kwoze

James 5:12

Susunudḵu ḵan Kristu, sa ḵapatogan atta losan, adi ḵayu ogon ansapata. Adiyu isapata'd langit baḵon nu ad luta baḵon nu ngaimane sapata. Yaḵon ḵananyu we “On” nu iyunudyu ya “Naid” nu umadiyu ta adi ambanag si anusaan Apudyus ḵan diḵayu.

Colossians 4:6

Ḵad pasig oḵyan ampalayad ḵan ustu da ugudonyu ta awad ḵad angimus ḵan diḵayu igammuyu ustu we isongbatyu.

Colossians 3:9

Adi ḵayu an-asituli te inabusyu ḵinaan dadaane ugaliyu,

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Ephesians 4:25

Pun adi ḵayu ogon antultulli, abus ḵatuttuwaan aḵ ibagayu'tta buḻunyu te nidoga taḵu losan atte long-ag Kristu.

2 Thessalonians 3:3

Yaḵon ustu te aḵ Apu ḵad mataḻgodan, adinapun iwaḻange amapigsa ḵan anaḻaḵnib ḵan diḵayu'tte ḵoon Satan.

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Matthew 13:38

Ḵad sa payaw, siya annae lubung ya sa ambaḻu we iliḵ, dida da tagu we midoga si ampangatan Apudyus, ḵad da sabsabug, dida da tagun Satan.

1 John 5:18

Awad da tuḻu we igammuwon taḵu oḵyan. Sa umuna, igammu taḵu we ippun abeng Apudyus aḵ pagapagatupanae bumasubasuḻ te saḻaḵniban ni Abeng Apudyus ḵad ippun lamog Satan we aniwdiwat ḵan siya.

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

1 John 2:13

Aamma, annaya bos inggiliḵ para ḵan diḵayu te igammuyu'ḵ Apudyus we inninggaw inggan ni laplapu. Ḵad diḵayu bose babaḻu, annaya inggiliḵ para ḵan diḵayu te illogyu'ḵ Satan.

1 John 3:12

Daḵampun oḵyan atte ugalin Cain unudonyu te aḵ Cain tagun Satan woḵ gingngatna'ḵ Abel we sunudna. Ngai gapun ni nangongatan Cain ḵan Abel? Gapu'tte lawweng da ḵoḵoḵḵona yaḵon naun-unan da ḵingwan ni sunudna.

John 17:15

Daḵampun aḵ iluwaḻuḵe ḵaanom dida'tte annae lubung yaḵon iluwaḻuḵe saḻaḵnibam dida ḵan Satan.

Matthew 15:19

Te sa somsomoḵ, siya maḻpuwan ni losane somsomḵon ni tagu we isun da sana; adaḻugona daḵampun aḵ asawana, an-aḵaw, pumatoy, maḵadagdagas, taḵdoḻana da tinutuli ya an-ugud aḵ lawweng atta asintataguna.

Matthew 5:36

Adiyu bos isapata uḻuyu te adipun maḵwa ambalinonyu ossaane buuḵ aḵ itaḵ baḵon nu ngitit.

Ephesians 6:16

Papigsaonyu taḻgodyu ḵan Apu si losane ḵasasaadyu ta masaḻaḵniban ḵayu'tta ngaimane ḵoon Satan. Sa taḻgodyu isun di ḵaḻasag da suḻdadu we patilayune awitonda ta ḵosponda da bumaḻabaḻae ipanan ni ḵabusuḻ.