Matthew 4:25 - Sa Ugud Apudyus

²⁵ Nitun-ud ḵan siya da ummamdane tagu we naḻpu'tte probinsiya'd Galilee, siyudad ad Jerusalem, probinsiya'd Judea ya da nampaliḵwos ad Decapolis ya da ili ye inggaw si domang ni tawwang Jordan.

Matthew 4:25 Referans Kwoze

Luke 6:17

Pune sadi, nan-osog da Jesus atte tanap. Inninggaw os da disipuluna. Inninggaw os da amoamode tagu we naḻpu'd Jerusalem ya da udume ili'tte probinsiya'd Judea. Naḻpu bos da udum atta ili si taḻantag ni baybaye adani'd Tyre ya ad Sidon.

Mark 5:20

Pun ḵesan woḵ ummoy nanggaḵay atta simpuḻu we siyudade saḵub ni Decapolis woḵ imbagabagana da ḵingwan Jesus ḵan siya. Pun nataag da losane nangngoḻ atta imbagana.

Mark 7:31

Pun tinenan Jesus ad Tyre woḵ nangoy ad Sidon ya da saḵubna'd Decapolis ta mipauli'tte Baybay ad Galilee.

Luke 6:19

Pun pinadas da losane tagu tindoḵ aḵ Jesus te anna ḵabooḻan Apudyus ḵan siya ta da losane anna da saḵitda maḵaan.

Mark 6:2

Dummatong ḵad umillongan, ummoy aḵ Jesus nantuttudu'tte sinagoga. Adu da nataag atte dingngoḻda woḵ ḵananda, “Dinu nin ay nangaḻ-ana'tta sana? Ngai nangaḻ-ana si laingna? Atoman da nakaskasdaawe lamogna ḵoon!

Matthew 19:2

Amod da tagu we nitun-ud ḵan siya woḵ ḵinaanna da saḵit da nasaḵit.

Matthew 12:15

Inigammun ḵad Jesus pionda ḵoon ḵan siya, ḵesan woḵ adu da nitun-ud ḵan siya. Ḵinaanna da saḵit da losane nasaḵit ḵan dida,

Matthew 8:1

Nan-osog ḵad aḵ Jesus we naḻpu'tte beleg, adu da tagu we nibuḻun ḵan siya.

Matthew 5:1

Innilan ḵad Jesus da adu we tagu, nanagada'tte beleg. Tummuḵdu ḵad, ummadani da disipuluna ḵan siya,

Matthew 4:15

“Sa lutan da Zebulun ḵan Naphtali, atte ḵapon si baybaye domang ni tawwang Jordan, ya sa probinsiya'd Galilee ye ummiliyan da Gentil.