Matthew 3:2 - Sa Ugud Apudyus

² Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 3:2 Referans Kwoze

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Mark 1:15

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Matthew 6:10

Dumatong oḵyan ampangatam sina'd luta, ta mituttuwa da piniom sina'd lutae ḵama'd langit.

2 Corinthians 7:10

Te sa dadauy da tagu we mas-oman Apudyus, ambanag si ambabawiyanda'tta basuḻda ya agaydae angwa ta siya angidaḻan si anaguwan Apudyus ḵan dida si dusan da basuḻ. Naippun dadauy si sadi! Yaḵon nu sa tagu we adipun amati angiḵna si dadauye adipun ambabawi, ambanag si dusan ni ḵatoy.

Matthew 10:7

Dinumane ayanyu, iwaḻagawagyu we sinsadi gattoḵe awad ḵan diḵayu ampangatan Apudyus.

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Luke 15:10

Ḵanan Jesus we nangiyanungus, “Annaya ibagaḵ ḵan diḵayu, ḵatti bos gangganas ni bubai si nangdasana si nataḻaḵe palatana, anggangganas aḵ Apudyus ya da anghelna nu awad ambabawi'tta basuḻna ya agaynae angwa taḵon ay ossaane ḵabasbassuḻan.”

Luke 13:3

Naid! Annaya ibagaḵ ḵan diḵayu, nu adiyu ibabawi da basuḻyu ya adiyu agaye angwa, madusa ḵayu we ḵama ḵan dida.

Luke 11:20

Te sa ḵatuttuwaan, aḵ Apudyus nangitod atte ḵabooḻaḵe amaḻyaw atta aḻan ya sadi amanoḵnoḵe sinsadi gattoḵe awad ḵan diḵayu ampangatan Apudyus.

2 Peter 3:9

Sa ḵasomsomḵan da udume tagu, itaḻyan Apudyus we angituttuwa'tta inkarina yaḵon daḵampun aḵ tuttuwa. Sa ḵatuttuwaan, anuanusana diḵayu te adinapun pione awad ossaan aḵ madusa yaḵon siya piona ibabawin oḵyan da losane tagu da basuḻda ya agaydae angwa.

Acts 17:30

Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa.

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Luke 6:20

Pun nansagung aḵ Jesus atta disipuluna woḵ ḵanana, “Pian da tagu we antaḻgod ḵan Apudyus atta ngaiman te midogada si ampangatana.

Matthew 13:52

Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

Matthew 13:47

Pinagatupan Jesus woḵ ḵanana, “Sa ampangatan Apudyus mipani bos si tabuḵuḻe inuyud da anabuḵuḻ atte baybay inggana'ḵ mapnu'tta nankalakalasi ye ugadiw. Ḵad itaḵdangda ya tumuḵduda ta piliyanda. Da ambabaḻu we ugadiw iggada'tte aḵḵubaw ya iballuda da anḵaḻaweng.

Matthew 13:33

Ḵanan os Jesus we nangipani, “Sa ampangatan Apudyus isuna de yeast we ampabotaḻe inḵamos ni bubai si adu we arina.”

Matthew 12:41

Da iNineveh bos, maḵataḵdogda'tta tagu we matattagu sinsadi'tte sadi ye aḻgaw si anguwisan Apudyus atta tagu. Sa nambabawiyan da tagu'd Nineveh amanoḵnoḵe dusaon Apudyus diḵayu. Te dida ḵad, imbabawida da basuḻda ya iyyagaydae nangwa si dingngoḻda iwwaḻagawag Profeta Jonah ḵan dida. Yaḵon diḵayu ḵad, taḵon ay nu annaaḵ sinsadi ye nangatngatu nu aḵ Profeta Jonah, adiyupun tuttuwaon da tuttuduḵ.

2 Timothy 2:25

ya ḵasapuḻane ummanae antuttudu'tta sumullagi si tuttuwae tuttudu ta ittan Apudyus dida'ḵ wayadae ambabawi'tta basuḻda ya agaydae angwa ya igammuwonda ḵatuttuwaan.

Colossians 1:13

Te siya nanagu ḵan ditaḵu si ḵabooḻan ni pangat atte giḵbot woḵ indogana ditaḵu si ampangatan ni ay-ayatonae Abengna,

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Luke 15:7

Iyyanungus Jesus ḵanan, “Annaya ibagaḵ ḵan diḵayu, ḵatti bose amod de ganas Apudyus ya da anghelna'd langit atte osae ḵabasbassuḻane ambabawi'tta basuḻna ya agaynae angwa nu sa ganasda'tta siyampuḻu ya siyame naun-unane tagu we adidapun ḵasapuḻane ambabawi'tta basuḻda ya adidapun agaye angwa.”

Luke 13:5

Naid! Annaya ibagaḵ ḵan diḵayu, nu adiyu ibabawi da basuḻyu ya adiyu agaye angwa, madusa ḵayu we ḵama ḵan dida.”

Luke 9:2

pun imbuunna dida ta umoyda iwaḻagawag ampangatan Apudyus ya ḵaanonda da saḵit.

Mark 6:12

Pune sadi, ummoy da disipuluna woḵ iwwaḻagawagdae ibabawin da tagu da basuḻda ya agaydae angwa.

Mark 1:4

Pune sadi, nituttuwa te nampaila'ḵ John we Ambobonyag atte bumbummaaw woḵ iwwaḻagawagna'tta losane ummoy nandongoḻ. Ḵanana, “Ibabawiyu da basuḻyu ya agayyu we angwa ya ampabonyag ḵayu ta pakawanon Apudyus diḵayu.”

Matthew 5:10

Pian da ampaḵaḻam gapu'tte maun-unanda te midogada'tte ampangatan Apudyus.

Matthew 5:3

“Pian da tagu we antaḻgod ḵan Apudyus atta ngaiman te midogada si ampangatan Apudyus.

Revelation 2:21

Innatodḵu ḵan siya wayanae ambabawi'tta basuḻna ya agaynae angwa yaḵon adinapun agaye miyadaḻug atte daḵampun aḵ asawana.

Matthew 13:31

Pun ḵasin os nangipani'ḵ Jesus woḵ ḵanana, “Sa ampangatan Apudyus mipani si buḵoḻ ni mustasae immuḻan ni tagu'tte umana.

Matthew 13:11

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon ḵan dida, adinapun impaigammu.

Matthew 6:33

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Revelation 2:5

Pun ḵasapuḻan oḵyane iḵagasmoḵyu ampigsae ayatyu si damu. Ambabawi ḵayu'tta basuḻyu ya agayyu we angwa ya ḵoonyu ḵasin da ḵingwayu si damu. Te nu adi ḵayu ambabawi, umaliyaḵ sinat ta ḵaanoḵ sasap-aḻan da silawyu'tta ustu we igawda.

Hebrews 6:1

Pun tenan taḵu da ummunae tuttudu si mipanggob ḵan Kristu ya pagatupan taḵu adaḻon da naadaḻome tuttudu ta maangsan taḵu si pammati. Adi taḵu iḵasiḵasin adaḻon puun ni pammati taḵu we isun ni ambabawiyan taḵu'tta basuḻ taḵu ya agay taḵu we angwa'tta ḵoḵoḵḵone ippun anuda ya sa amatiyan taḵu ḵan Apudyus.

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Matthew 22:2

“Mipani ampangatan Apudyus atte ari ye isagsaganana kasar ni babaḻu we abengna.

Matthew 25:1

Pinagatupan Jesus woḵ ḵanana, “Mipani ampangatan Apudyus atta simpuḻu we babaḻasange innaḻada da silawda woḵ ummoyda inabot laḻaḵi ye ankasar.

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 20:1

Ḵanan Jesus, “Sa ampangatan Apudyus mipani'tte sinḵuwa'tte mumuḻḻaana'tta de grape we nawwiḵise ummoy nansingit aḵ tangdanana'ḵ umoy anḵewaaḻ si mumuḻḻaana'tta de grape.

Matthew 18:23

Te sa ampangatan Apudyus mipani'tte osae ari ye simsimmoḵnae ansingir atta utang da sammiluna ḵan siya.

Matthew 11:20

Pune sadi, sinang-an Jesus da umili ye nangwaana'tta adu we nakaskasdaaw te adidapun imbabawi da basuḻda ya adidapun agaye angwa.

Luke 21:31

Ḵad nu ilanyu bose maḵwa da losane imbagaḵ, igammuyu we sinsadi gattoḵe awad ḵan diḵayu ampangatan Apudyus.

Luke 16:30

“Ḵanan ni baḵnang, ‘Ama Abraham, potog sanat. Yaḵon nu awad oḵyan pagay maḻpu si igaw da natoy ya umoy ḵan dida, ibabawida da basuḻda ya agaydae angwa.’

Matthew 25:14

Pinagatupan os Jesus woḵ ḵanana, “Sa ampangatan Apudyus mipani si baḵnange ansagsaganae umoy ambaat si adayu we ili. Inayagana da sammiluna woḵ intaḻgodna da ḵuḵuwana ḵan dida.

Matthew 13:24

Pun inḵasin Jesus imbaga pani'tta amode tagu woḵ ḵanana, “Mipani ampangatan Apudyus si osae tagu we ambabaḻu iyyosoḵnae pagoy si payawna.

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Luke 1:16

Sa maḵwa ḵad, adu da dogayu we ganaḵ Israel we ipaulina ḵan Apu we sa Apudyusda.