Matthew 27:4 - Sa Ugud Apudyus

⁴ Ḵanana, “Naḵabasuḻaḵ te intuyuḵḵu tagu we ippun basuḻna!” Pun ḵanandae summongbat, “Ngai ḵad ain biyangni si sanat? Te biyangnu pos pagay!”

Matthew 27:4 Referans Kwoze

1 John 3:12

Daḵampun oḵyan atte ugalin Cain unudonyu te aḵ Cain tagun Satan woḵ gingngatna'ḵ Abel we sunudna. Ngai gapun ni nangongatan Cain ḵan Abel? Gapu'tte lawweng da ḵoḵoḵḵona yaḵon naun-unan da ḵingwan ni sunudna.

1 Peter 1:19

yaḵon sa ampatoge daḻan Kristu si natoyana para ḵan ditaḵu. Sa nangidatunana si mismu we long-agna isun di ubbu we karnero we ippun paat ḵaissawna ya ippun dipiktunae nidatun ḵan Apudyus.

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

1 Timothy 4:2

Sa annae tuttudu, naḻpu'tta ḵapappailae tagu we adipun ansigab somsomoḵda nu antultullida te ummingsadae antultulli.

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

Acts 13:28

Taḵon ay nu ippun indasanda'ḵ gapun ni angoddonganda'ḵ matoy, ḵindawda ḵan Pilate we pagongatna.

John 19:7

Ḵanan da Judyu we summongbat, “Awad de lintogni ye ḵasapuḻane matoy aḵ Jesus te ngannona long-agna'ḵ Abeng Apudyus.”

Luke 23:47

Innilan ḵad ni kapitan da suḻdadu da sadi ye naḵwa ḵananae nandayaw ḵan Apudyus, “Tuttuwae naun-unan annae tagu!”

Luke 23:41

Yaḵon dita labbongnae madusa te naḵabasuḻta yaḵon sa annae tagu ippun basuḻna.”

Luke 23:22

Piḵlun ḵad Pilate we naḵaugud ḵan dida, ḵanana, “Ngaipa? Ngai ḵad ain ḵingwanae gapun ni mapatoyana? Naippun indasaḵ aḵ basuḻ ni annae tagu. Pun taḵon ay nu paaplitḵu ya puḵayaḵ.”

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Matthew 27:19

Sissiya ḵade tutuḵdu'ḵ Pilate si tutuḵduwan ni ḵuwis, nambuun aḵ asawana'ḵ umoy angibaga ḵan siya ḵanane, “Adim dusaon sanate naun-unane tagu. Te sa labi, inin-inopḵu mipanggob ḵan siya ya nampaḵaḻamonaḵ gapu ḵan siya.”

Revelation 11:10

Da adipun namati ye inggaw ad luta, anggayagayada ya an-asiatodda gapu si layadda'tte natoyan da annae duwae profetan Apudyus te dida gapun ni ampaḵaḻamanda.