Matthew 26:25 - Sa Ugud Apudyus

²⁵ Pune sadi, ḵanan Judas we angituyuḵ ḵan siya, “Mistulu, saḵon ḵamman?” Ḵanan Jesus we summongbat, “On, siya imbagam.”

Matthew 26:25 Referans Kwoze

Matthew 26:64

Ḵanan Jesus we summongbat, “Siya imbagame sadi. Yaḵon ibagaḵ ḵan diḵayu, ilanyu saḵone Abeng Di Tagu we tumuḵdu si madawinan Apudyus we maḵabooḻ atta losan. Ḵad asiyu bos ilan umaliyaḵe mibuḻun atta libuu'd langit.”

Matthew 27:11

Aḵ Jesus ḵad, summiḵad atte sinagung Gobernor Pilate woḵ ḵanan gobernor we nan-imus ḵan siya, “Siḵa ḵamman Arin da Judyu?” Ḵanan Jesus we summongbat, “Siya imbagam.”

John 18:37

Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

Luke 22:70

Pun amo sinootda woḵ ḵananda, “Siḵa ḵad ain Abeng Apudyus?” Ḵanana, “Diḵayu we mismu nangibaga'tte sanat.”

Matthew 26:49

Pun daguse ummoy aḵ Judas ḵan Jesus woḵ ḵanana, “Annaḵa pay Mistulu!” Pun inogoḵana.

Matthew 23:8

“Yaḵon ḵan diḵayu, adiyu iyunude awagan diḵayu'ḵ ‘Mistulu’ te ansusunud ḵayu si pammati ya os-ossaan mistuluyu.

Matthew 26:14

Pun aḵ Judas Iscariot we osa'tta nasawaḻan aḵ duwae disipulun Jesus, ummoy atta papangat da papadi.

John 4:31

Sa ḵesanan ḵad ni bubai, isassaud da disipulun Jesus ḵanane angimus, “Mistulu, anganḵa!”