Matthew 26:18 - Sa Ugud Apudyus

¹⁸ Ḵanan Jesus, “Inḵayu'tte siyudad ḵad awad de osae laḻaḵi sidi. Ḵananyu ḵan siya, ‘Imbagan mistulu we madam-an timpunae inḵoddong Apudyus ḵad sa boḻoyyu anḵaḵaḵananda'tta disipuluna'tte timpun ni Gayagayae ngannon taḵu Nallausan.’ ”

Matthew 26:18 Referans Kwoze

John 7:6

Ḵanan Jesus ḵan dida, “Daampun dumatong timpuḵe angituttuwa si planun Apudyus. Yaḵon ḵan diḵayu, baḻangnae timpu we maḵwa ḵoonyu da pionyu.

John 17:1

Inabus ḵad Jesus imbaga da anna, nantangad ad langit woḵ ḵanana, “Ama, dummatong timpu we padayawam Abengnu ta padayawana bos siḵa.

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

John 7:30

Imbagan ḵad Jesus sadi, pinadas da papangat doḵmaan yaḵon adimpun Apudyus iyunud te daampun yan dumatong mituttuwaan ni planuna ḵan siya.

John 7:8

Inḵayu maḵagayagaya. Umadiḵ umoy te daampun dumatong ustu we timpuḵe angituttuwa si planun Apudyus.”

John 12:23

Ḵanan Jesus, “Saḵone Abeng Di Tagu, dummatong timpu we midayawaḵ.

Luke 22:53

Inaḻgawe inninggawaḵ ḵan diḵayu'tte paway ni templo we antuttudu, adiyupun saḵon dinoḵmaan. Yaḵon sinsadi, annae dummatong timpuyu we inḵoddong Apudyus ya dummatong os timpun Satan we angipangat atte giḵbot.”

John 11:28

Imbagan ḵad Martha sana, nipauli'ḵ ḵuwada woḵ inayagana'ḵ sunudnae Mary, ḵananae nangiyagapaap, “Awad aḵ Mistulu we paayagna siḵa.”

Mark 5:35

Sa nangibag-ana'tte bubai, nadanatong da udume naḻpu si boḻoy da Jairus. Pun ḵananda ḵan siya, “Adim ogon taḵtaḵon aḵ Mistulu te natoy abengnu.”

Matthew 26:2

“Igammuyu we aḵ osan ḵabigatna Gayagayan da Judyu we ngannon taḵu Nallausan. Ḵad Saḵone Abeng Di Tagu, mipuḻangaḵ ta mipattoḻaḵ atte kros.”

Matthew 23:10

Adiyu bos iyunude maawagan ḵayu'ḵ ‘Apu’ te aḵ Kristu os-ossaane Apuyu.

Matthew 23:8

“Yaḵon ḵan diḵayu, adiyu iyunude awagan diḵayu'ḵ ‘Mistulu’ te ansusunud ḵayu si pammati ya os-ossaan mistuluyu.

Matthew 21:3

Ḵad nu awad angimus ḵan diḵayu, ḵananyu, ‘Ḵasapuḻan ni Apu dida,’ woḵ daguse iyunudna.”

John 20:16

Ḵanan Jesus ḵan siya, “Mary!” Nansagung aḵ Mary woḵ ḵanana ḵan siya si Hinebrew, “Rabboni,” sa piona ḵanan Mistulu.

Matthew 26:49

Pun daguse ummoy aḵ Judas ḵan Jesus woḵ ḵanana, “Annaḵa pay Mistulu!” Pun inogoḵana.

Matthew 26:19

Pun ummoy da disipulu ḵingwa da imbagan Jesus ḵan dida. Pun insaganada da ḵanonda si Gayagayae ngannonda Nallausan.