Matthew 26:10 - Sa Ugud Apudyus

¹⁰ Igammun Jesus uguugudonda woḵ ḵanana, “Ngaipayu dellawon ḵingwan ni sanate bubai? Sa ḵingwana ḵan saḵon ambaḻubaḻu.

Matthew 26:10 Referans Kwoze

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

Titus 3:14

Ilam os ta paingsaonda da doga taḵu'tte pammati ye angwa'tta ambaḻu ta badanganda da tuttuwae anḵasapuḻ ta ambaḻu ambanagan da biyagda.

Titus 3:1

Ipaspasmoḵnu'tta namati sinate ḵasapuḻane paipangatda'tta nangatu da saadda ya da udume anna ḵaḻabbonganda ta tuttuwaonda dida. Ḵad naḵasaganada oḵyane bumadang atta ambaḻu we maḵwa.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

2 Timothy 2:21

Isuna bos atte tagu, nu awad tagu'ḵ papoḻḵasona long-agna'tta ngaimane lawweng, ampatog angusaran Apu ḵan siya te nitotoḵḵon ya nisaganae anserbi'tta losane panggob Apudyus.

1 Timothy 5:10

Ḵasapuḻan ose da ambaḻu we ḵingwada, nan-asidongoḻ inondae namadaḵoḻ atta abengda, ḵamamangilida ḵan impakumbabada da long-agdae nanserbi'tta tagun Apudyus, binadanganda da ampaḵaḻame tagu ya pummangogdae angwa'tta ngaimane ambaḻu.

1 Timothy 3:1

Tuttuwa sanae ugud: Nu awad osa'ḵ piona ambalin aḵ angipangpangu'tta namati, ampatoge ḵewaaḻ gamgamana.

2 Thessalonians 2:17

dida oḵyan patilayune alliwliwa'tta somsomoḵyu ya badanganda diḵayu ta pasige ambaḻu da ḵoonyu ḵan ibagayu.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

Galatians 6:17

Inggana sinsadi, ippun oḵyan pos ogon amaḵaḻam ḵan saḵon gapu'tte nangituttuduwaḵ si mipanggob atte kros te sa long-agḵu we napillapillatan, sana angipailae tuttuwae nanserbiyaḵ ḵan Jesus.

Galatians 5:12

Da sadi ye alliwong ḵan diḵayu, nu ampatog oḵyan ḵan dida sogyat, ḵumaanda oḵyan pagaye mismu atte gimungyu.

Galatians 1:7

Sa ḵatuttuwaan, ippun udum aḵ Ambaḻu we Damag yaḵon ibagaḵ anna te awad da udume angulu'tta somsomoḵyu ya padpadasonda baliḵtadon Ambaḻu we Damag mipanggob ḵan Kristu.

2 Corinthians 9:8

Ḵad ḵabooḻan Apudyus we amindisyun ḵan diḵayu'ḵ amod ta pasige wadawad da ḵasapuḻanyu ya awad adu'ḵ ibadangyu'tta anḵasapuḻ.

Mark 14:6

Yaḵon ḵanan Jesus, “Sinnamaḻna! Ngaipayu dellawon ḵingwan ni sanate bubai? Sa ḵingwana ḵan saḵon ambaḻubaḻu.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

Matthew 26:9

Ingnginana ḵad oḵyan te ampatopatog, iwwaḻasna'tta ḵapus pilaḵ!”

Matthew 26:11

Te da ḵapus pasige awadda'tta dinumane inggawanyu. Yaḵon ḵan saḵon, daḵampun aḵ pasige annaaḵ ḵan diḵayu.

Luke 8:49

Sa nangibag-ana'tte bubai, anna osae nadanatong we naḻpu si boḻoy da Jairus. Pun ḵanana ḵan siya, “Adim ogon taḵtaḵon aḵ Mistulu te natoy abengnu.”