Matthew 25:5 - Sa Ugud Apudyus

⁵ Pun nanunnuwan nan-uwayanda si dummaḵngan ni laḻaḵi ye ankasar, pun insaḻaddae nanduḵduḵmog woḵ losanda nasuyop.

Matthew 25:5 Referans Kwoze

Luke 20:9

Pun inug-uggud Jesus annae pani'tta adu we tagu woḵ ḵanana, “Inninggaw tagu we nammuḻa'ḵ amoamode grape si lutana. Pun impatangḵonna'tta udume gumagammole woḵ ummoy atte adayu we ili'ḵ nabayag.

Matthew 24:48

Yaḵon nu ḵanan ni sadi ye sammilu si long-agnae, ‘Adipun masapae dumatong apuḵ.’

Luke 12:45

Yaḵon ḵanan ni sadi ye sammilu si long-agna, ‘Adipun masapae dumatong apuḵ.’ Ḵad isaḻadnae allamboḵ atta doganae sammilu ḵan maḵaḵan ya maḵain-inum atta bartekero.

Matthew 25:19

“Nabayabayag ḵad, dummatong Apuda woḵ impaayagna da sammiluna ta imusona nu simpipiga da galansiyada.

1 Peter 5:8

Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.

Ephesians 5:14

Ḵad pumadda da losan nu nasilawanda. Sadi piona ḵanan atte nigili ye Ugud Apudyus we ḵanana, “Bumangonḵae masusuyop, mataguḵae natoy, ta silawan Kristu somsomoḵnu.”

Romans 13:11

Ḵasapuḻane ḵoon taḵu losan da anna te igammu taḵu we ampatog timpu we mataguwan taḵu sinsadi. Ḵad sinsadi ye timpu bumangon taḵu we nasuyop te madam-an mataguwan taḵu'ḵ inggana nu sa damu we namatiyan taḵu.

Luke 18:8

Annaya ibagaḵ ḵan diḵayu, ittonae dagus ḵan dida ḵalintoganda. Yaḵon mipauliyaḵ ḵade Abeng Di Tagu, awad ḵamman odasaḵ aḵ amati ḵan saḵon sina'd luta?”

Matthew 26:43

Nipauli ḵad ḵasin, indasana bos didae masusuyop te adidapun maḵadiyat atta atada.

Matthew 26:40

Nipauli ḵad aḵ Jesus atta tuḻu we disipulu, indasana didae nilid-op woḵ ḵanana ḵan Peter, “Ngaipayu adi maattomane maḵapuyat ḵan saḵon aḵ sin-orasan?

Revelation 2:25

Sa abuse ibagaḵ ḵan diḵayu, ipapatiyu unudon tuttuwae tuttudu inggana'ḵ umaliyaḵ.

Matthew 25:4

Yaḵon da nalainge lima, nangawitda'ḵ igas da silawda.

Matthew 25:6

“Gawallabi ḵad, dingngoḻda poḵawe ḵanana, ‘Annae dummatong laḻaḵi ye ankasar! Awwayyu ta inḵayu aboton!’

Luke 1:21

Sa nangibag-an ni anghel ḵan Zechariah, nataag da tagu si lasin ni templo we anguuway te nabayag ad daḻom.