Matthew 25:35 - Sa Ugud Apudyus

³⁵ Te nauḻataḵ woḵ pinaḵananaḵ. Nauwawaḵ woḵ pinainumanaḵ. Mangiliyaḵ os atte iliyu woḵ minangiliyu saḵon.

Matthew 25:35 Referans Kwoze

Hebrews 13:16

Adi taḵu maliwatane angwa'tta ambaḻu ya allaay taḵu we angitod atta anḵasapuḻ te ḵatti datune mas-oman Apudyus.

James 1:27

Te sa gattoḵ ḵan ippun ḵadellawanae angapudyus si antotollong Apudyus we Ama, bumadang atta ulila ḵan da baḻu atta ampaḵaḻamanda. Ḵad ḵasapuḻane adipun maalisan atta ugalin da tagu we adipun namati.

Romans 12:13

Ḵad badanganyu da tagun Apudyus we anḵasapuḻ ya mangiliyonyu dida.

Romans 12:20

Yaḵon unudonyu nigili ye Ugud Apudyus we ḵanana, “Nu nauḻat ḵabusuḻyu, paḵananyu ḵad nu nauwaw, ittanyu'ḵ inumona. Te nu ḵatti ḵoonyu, mabainan si ḵingwana.”

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.

Philemon 1:7

Sunudḵu ḵan Kristu, pinaḻayadaḵ ḵan sinoḻgagaḵ gapu si ayatnu. Siya bos nansosoḻgagnu'tta somsomoḵ da losane tagun Apudyus sinat.

1 Timothy 5:10

Ḵasapuḻan ose da ambaḻu we ḵingwada, nan-asidongoḻ inondae namadaḵoḻ atta abengda, ḵamamangilida ḵan impakumbabada da long-agdae nanserbi'tta tagun Apudyus, binadanganda da ampaḵaḻame tagu ya pummangogdae angwa'tta ngaimane ambaḻu.

Ephesians 4:28

Nu awad aḵḵawan ḵan diḵayu, iginoḵna oḵyan yaḵon ipapuutnae anḵewaaḻ aḵ iḵataguna ta awad ibadangna'tta anḵasapuḻ.

Romans 16:23

Aḵ Gaius we niḵamboḻoyaḵ, pakumustaona diḵayu. Sa boḻoyna dam-on da namati ye magimugimung andaydayawan. Ḵad aḵ Erastus we treasurer ni annae siyudad ya aḵ Quartus we sunud taḵu pakumustaonda diḵayu.

Acts 16:15

Pun nampabonyag aḵ Lydia ya da ḵabaḻyanna. Pun inayagana diḵani woḵ ḵanana, “Nu ibelangyu saḵone tuttuwae namati ḵan Apu, umali ḵayu'ḵ ḵuwani.” Pun impatutna intallay diḵani si boḻoyda.

Acts 11:29

Pun da namati'd Antioch simsimmoḵdae angidagasda'ḵ badang atta susunud ḵan Kristu atte probinsiya'd Judea. Nangitod sin-ossaossa'tte lamogna itton.

Acts 10:31

Ḵanana ḵan saḵon, ‘Cornelius, dingngoḻ Apudyus luwaḻum ya insisimoḵna da ḵingwame allaayḵa'tta ḵapus.

Acts 4:32

Losan atta namati nan-os-ossaan ḵasomsomḵanda. Adidapun ibelange ḵuwada da ḵuḵuwada yaḵon siya ḵoonda nan-aḵ-atodda.

John 13:29

Gapu ta aḵ Judas nangdon si pilaḵda, ḵanampun da udum nu imbagan Jesus we umoy ngumina'tta masapuḻda si gayagaya baḵon nu angitod atte pilaḵ atta ḵapus.

Luke 11:41

Sa unaonyu ḵoon, papoḻḵasonyu da somsomoḵyu ya allaay ḵayu'tta ḵapus. Te nu ḵoonyu ḵaḵna, pumoḻḵas losane ḵinatataguyu.

Mark 14:7

Te patilayune anna da ḵapus ḵan diḵayu, ḵad taḵon ay ngai ye aḻgaw lamogyu badangan dida. Yaḵon saḵon ḵad, adiyaḵpun patilayun anna ḵan diḵayu.

Matthew 26:11

Te da ḵapus pasige awadda'tta dinumane inggawanyu. Yaḵon ḵan saḵon, daḵampun aḵ pasige annaaḵ ḵan diḵayu.

Matthew 25:40

“Pun saḵone Ari summongbataḵ ḵan dida woḵ ḵanaḵ, ‘Ibagaḵ ḵan diḵayu ḵatuttuwaan, nu ḵingwayu da ḵaḵna si osae ḵababaan atta susunudḵu si pammati, ḵingwayu bos ḵan saḵon.’