Matthew 24:9 - Sa Ugud Apudyus

⁹ “Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Matthew 24:9 Referans Kwoze

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Luke 21:12

“Yaḵon sa daan da sadi maḵwaan, doḵmaanda ḵan ampaḵaḻamon diḵayu. Idaḻumda diḵayu'tta sinagoga ḵad ibaḻudda diḵayu. Gapu si pammatiyu ḵan saḵon, iyoyda diḵayu'tta ari ya da gobernor.

Revelation 7:14

Ḵanaḵ ḵan siya, “Naid, Apu, siḵa angigammu.” Pun ḵanana, “Sana da nallagum atte ampaḵimute ampaḵaḻaman. Pinapoḻḵasda da langgoyodda'tte daḻan ni Ubbu we Karnero ta umitaḵda.

1 Peter 4:16

Yaḵon nu ampaḵaḻam ḵayu gapu ta Kristianu ḵayu, adi ḵayu mabain yaḵon dayawonyu'ḵ Apudyus te nibelang ḵayu we tagun Kristu.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Acts 7:59

Sa amatubatuwanda ḵad ḵan Stephen, nalluwaḻu woḵ ḵanana, “Apu Jesus, awatom ḵalidodwaḵ.”

Luke 11:49

Sadi angipaila'tte ḵinalaing Apudyus we ḵanana, ‘Ibuunḵu da profetaḵ ya da apostol ḵan dida ya gongatonda da udum ḵad ampaḵaḻamonda bos da udum.’

Matthew 23:34

Pun ibuunḵu ḵan diḵayu da profeta, da nalainge tagu ya da mimistulun ni lintog. Ḵad anggongat ḵayu'tta udum ya ipattoḻyu da udum atte kros. Da udum ḵad os, ap-aplitonyu dida'tta sinagogayu ya dinumane umawidanda, dogdogonyu dida'tta ḵinailin di ili ya ampaḵaḻamonyu dida.

Acts 28:22

Yaḵon pionni ye dongngon ḵasomsomḵam te igammuni ye da tagu'tta ḵinailin di ili an-ugudda'ḵ misullagi'tte nidog-am atta angunud ḵan Jesus.”

Matthew 22:6

Da udum ḵad, dinoḵmaanda da sammilun ni ari woḵ nampaḵaḻamonda dida woḵ asidaot dida gongaton.

John 15:18

Ḵanan os Jesus atta disipuluna, “Nu sasangngaan diḵayu'tta tagu we adipun amati, iḵagasmoḵyu oḵyane ummunae sasangngaanaḵ.

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.