Matthew 24:45 - Sa Ugud Apudyus

⁴⁵ Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu.

Matthew 24:45 Referans Kwoze

Matthew 25:21

“Pun ḵanan ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’

Matthew 25:23

“Ḵanan os ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’

Hebrews 3:5

Aḵ Moses tuttuwae mataḻgodane sammilu we nanserbi'tta losane tagu we namati ḵan Apudyus. Ḵad taḵdoḻana da banage ipaigammun Apudyus we maḵwa si umali ye aḻgaw.

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

1 Timothy 1:12

Anggappiyaaḵ ḵan Jesu Kristu we Apu taḵu we amaḵosdoḻ ḵan saḵon. Te imbelangna saḵon aḵ mataḻgodan woḵ dinutuḵana saḵon aḵ anserbi ḵan siya.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Luke 19:17

Ḵanan ni Ari, ‘Ambaḻu ḵingwam. Ambaḻuḵae sammilu. Gapu ta mataḻgodanḵa'tte aḵite intaḻgodḵu ḵan siḵa, ampangatoḵ siḵa'tta simpuḻu we siyudad.’

Matthew 13:52

Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

Matthew 25:2

Da lima anḵadong-ogda ya da lima nalaingda.

Matthew 7:24

Pun ḵanan Jesus we nangipani, “Losane andongoḻ ya tuttuwaona ḵoon da annae ibagaḵ, mipani si nalainge tagu we nantaḵad aḵ boḻoyna woḵ insaadna si labaw ni batu.

Matthew 24:46

Pian sadi ye sammilu nu odasan ni apunae annae ḵoona da losane imbilinna.