Matthew 24:42 - Sa Ugud Apudyus

⁴² Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.

Matthew 24:42 Referans Kwoze

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

1 Thessalonians 5:6

Pun adi taḵu oḵyan masusuyope isun da udum. Yaḵon pasig taḵu oḵyan madadaḵḵag ḵan an-annad.

Matthew 25:13

Pun ḵanan Jesus we nangiyanungus, “Ḵasapuḻane pasig ḵayu masasaggana te ippun igammuyu'tte aḻgaw ḵan orase umaliyaḵ.”

Revelation 16:15

Ḵade sadi, nandaḵdaḵngonda da ari ya da suḻdaduda'tte igawe nangadanan aḵ Armageddon atte Hinebrew. Ḵanan Apu Jesus, “Dongngonyu annae ibagaḵ. Sa umaliyaḵ mapoḵḵatane isun ni umaliyan ni aḵḵawan. Pian tagu we adi masuyop ya masisillupan ta adi maodasane amboboddang ya mabain atte sinagung da adu we tagu nu dumatongaḵ.”

1 Corinthians 16:13

Dadaḵḵagonyu ya popotpotanyu bos da pammatiyu, tumuḻod ḵayu oḵyan ya pumigsa ḵayu.

Matthew 24:36

Pinagatupan Jesus woḵ ḵanana, “Naippun angigammu'tte aḻgaw baḵon nu timpu we mituttuwaanda. Taḵon ay da anghel ad langit, ippun igammuda. Ḵad taḵon ay saḵone Abeng Apudyus, ippun os igammuḵ. Te ippun udum aḵ angigammu, abus aḵ Apudyus we Ama.

Romans 13:11

Ḵasapuḻane ḵoon taḵu losan da anna te igammu taḵu we ampatog timpu we mataguwan taḵu sinsadi. Ḵad sinsadi ye timpu bumangon taḵu we nasuyop te madam-an mataguwan taḵu'ḵ inggana nu sa damu we namatiyan taḵu.

Matthew 24:44

Pun ḵasapuḻane maḵasagana ḵayu oḵyan te dumatong Abeng Di Tagu si timpu we adiyupun namnamaon.”

1 Peter 5:8

Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

Matthew 24:43

“Annaya sosomḵonyu, nu igammun ni simboḻoy oras si labi ye dumaḵngan ni aḵḵawan, adipun masuyop yaḵon pasigna guwaḻdaan ta adin ni aḵḵawan lonḵon.

Matthew 25:10

“Ḵesanda ḵade ummoy ngumina'tte tendaan, nadanatong laḻaḵi ye ankasar. Pun da limae naḵasagana, nibuḻunda ḵan siya'tte kasar woḵ niyonob sawang.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.