Matthew 24:17 - Sa Ugud Apudyus

¹⁷ Sa tagu we awad si otop ni boḻoyna, umawid oḵyane dagus ta mataguwana ya adi mataḵtaḵe lumogsade umoy angaḻa'tta ḵuḵuwana.

Matthew 24:17 Referans Kwoze

Matthew 10:27

Sa ibagaḵ ḵan diḵayu'tte umabus taḵu'tta labi, ḵasapuḻane mipaigammu'tta adu we tagu'tta aḻgaw. Ḵad sa iyagapaapḵu ḵan diḵayu, ḵasapuḻan ose iyip-ipḵawyu'tta losane tagu.

Acts 10:9

Anna ḵade mumamatuḵ atte mabigat, da sadi ye nibuun inggawda si daḻan ya annae madam-anda'd Joppa, ummoy aḵ Peter nalluwaḻu si ampanade otop ni boḻoyda.

Luke 12:3

Pun da imbagayu si giḵbot, maigammuda si aḻgaw ya da iyyagapaapyu'd daḻom, miwaḻagawagda ta dongngon da adu we tagu.”

Luke 5:19

yaḵon adidapun naḵailonoḵ te amode nansossodete tagu. Pun insaḵyatda'tte otop woḵ ummabutda'ḵ singgetbang. Nagangput ḵad, inuyudda nabuligan atte gaggawan da tagu'tte sinagung Jesus.

Matthew 6:25

Pinagatupan Jesus woḵ ḵanana, “Pun sa ibagaḵ ḵan diḵayu, adi ḵayu ambinsaw mipanggob atta biyagyu, da ḵanonyu, baḵon nu da inumonyu, baḵon nu sa mipanggob atta long-agyu ya da ansilupyu. Te napatpatog biyagyu nu sa maḵan ya napatpatog da long-agyu nu da silup.

Matthew 24:16

Pun da inggaw atte probinsiya'd Judea, umawidda oḵyan atta bebbeleg.

Matthew 24:18

Sa awad atte pappayaw, ḵasapuḻane adi oḵyan mataḵtaḵe mipauli si boboḻoye umoy angaḻa'tta silupna.