Matthew 22:43 - Sa Ugud Apudyus

⁴³ Ḵanan os Jesus ḵan dida, “Yaḵon ngaipan Ari David ngannon aḵ Kristu Apuḵ? Te sa imbagana, impaspasmoḵ ni Ispiritu Santu ḵan siyae ḵanana,

Matthew 22:43 Referans Kwoze

Revelation 4:2

Pun daguse isunan impain-inop ni Ispiritu Santu ḵan saḵon woḵ innilaḵ tronon ni ari'd langite inggawe tutuḵdu.

Revelation 1:10

Yaḵon sa aḻgawe andaydayawan ḵan Apu, isun di impain-inop ni Ispiritu Santu ḵan saḵon woḵ dingngoḻḵu andangsoḻe ginga si odogaḵe isunan bungug di tangguyub.

2 Peter 1:21

Te naippun nipadtu'ḵ naḻpu si pinion ni tagu yaḵon indaḻan ni Ispiritu Santu didae nangibagabaga si ugude naḻpu ḵan Apudyus.

Hebrews 3:7

Pun ḵanan ni Ispiritu Santu, “Sinsadi ye aḻgaw, nu dongngonyu Ugudna,

Acts 1:16

“Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.

Mark 12:36

Te aḵ Ari David we mismu ngannona'ḵ Kristu Apuḵ. Te sa imbagana, impaspasmoḵ ni Ispiritu Santu ḵan siyae ḵanana, “ ‘Ḵanan Apudyus atte Apuḵ: Tumuḵduḵa'tte madawinanḵu inggana'ḵ oḻgoḵ da ḵabusuḻnu.’ ”

1 Corinthians 12:3

Pun pioḵe maawatanyu we sa tagu we idaḻan ni Ispiritu Santu adipun an-aḻawag mipanggob ḵan Jesus. Ḵad naippun os tagu'ḵ ḵananae angibaga, “Aḵ Jesus siya Apu,” nu adin ni Ispiritu Santu idaḻan.