Matthew 22:22 - Sa Ugud Apudyus

²² Dingngoḻda ḵad insongbatna, nataagda pun tinenanda woḵ mabuḵaḻda.

Matthew 22:22 Referans Kwoze

Mark 12:12

Pun da papangat da Judyu, pionda doḵmaan aḵ Jesus te inigammudae inugudna pani ye mibusuḻ ḵan dida. Yaḵon tinenanda te naḵimtanda'tta adu we tagu.

Colossians 4:6

Ḵad pasig oḵyan ampalayad ḵan ustu da ugudonyu ta awad ḵad angimus ḵan diḵayu igammuyu ustu we isongbatyu.

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Matthew 22:46

Naippun ossaan sidi'ḵ lamog angibaga'tte songbat ni inimus Jesus. Inggan ni nangibag-ana'tte sana, naippun ogon maḵaituḻode an-imus ḵan Jesus.

Matthew 22:33

Da tagu we nandodongngoḻ nataagda'tta intuttuduna.

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Matthew 8:10

Dingngoḻ ḵad Jesus da imbagana, nasdaaw woḵ ḵanana'tta nibuḻun ḵan siya, “Ibagaḵ ḵan diḵayu ḵatuttuwaan, naippun paat indasanda'ḵ tagu'ḵ ampigsapigsa pammatina'd Israel aḵ isun ni pammatin ni annae tagu.