Matthew 22:17 - Sa Ugud Apudyus

¹⁷ Pun ibagam ud nu ngai ḵasomsomḵam si anna. Lisalison taḵu ḵamman lintog Moses nu ambayad ḵani'tta bugis atte Emperor ad Rome? Ambayad ḵani baḵon nu umadini?”

Matthew 22:17 Referans Kwoze

Luke 2:1

Sa sadi ye timpu we niyanaḵan John, nangwa'ḵ lintog aḵ Emperor Augustus we umoy da losane tagu'tta ili ye ipangatan da iRome we ḵasapuḻane ampalistada.

Matthew 17:25

Ḵanan Peter we summongbat, “On, ambayad ḵammos.” Nillumnoḵ ḵad aḵ Peter si boḻoy, ummuna'ḵ Jesus gumminga woḵ ḵanana, “Simon, ngai ḵasomsomḵam? Ngai andagupan da ari si annae luta'tta bugis? Da taguda baḵon nu da ḵaili?”

Acts 28:22

Yaḵon pionni ye dongngon ḵasomsomḵam te igammuni ye da tagu'tta ḵinailin di ili an-ugudda'ḵ misullagi'tte nidog-am atta angunud ḵan Jesus.”

Acts 25:8

Pun ḵanan Paul we nanaḵdoḻ si long-agna, “Ippun nilisalisḵu'ḵ lintog taḵu we Judyu baḵon nu dinadailḵu templo taḵu baḵon nu naḵabasuḻaḵ atte Emperor ad Rome.”

Acts 17:7

Aḵ Jason ḵad, minangilina dida. Da losane nibuḻun ḵan Paul, sinullagida lintog ni Emperor ad Rome te ḵanandae awad de osae ari ye Jesus ngadanna.”

Acts 5:37

Sibotna ḵad, inninggaw os aḵ Judas we naḻpu'tte probinsiya'd Galilee atte timpun ni nampalistaan da tagu. Adu da nitun-ud ḵan siya. Yaḵon gingngatda bos woḵ nabuḵaḻ da losane nitun-ud ḵan siya.

Luke 3:1

Sa miḵasawaḻ aḵ limae tawon atte nampangatan Emperor Tiberius, aḵ Pontius Pilate Gobernor atte probinsiya'd Judea. Aḵ Herod os Gobernor atte probinsiya'd Galilee ya aḵ Philip we sunudna, nampangat atta Iturea ya ad Trachonitis. Ḵad aḵ Lysanias nampangat ad Abilene.

Matthew 22:18

Yaḵon igammun Jesus we lawweng panggobda, pun ḵanana ḵan dida, “Diḵayu we ḵapappaila! Ngaipayu saḵon siḵapan?

Luke 20:22

Pun ibagam ud ḵan diḵani nu lisalisonni lintog Moses nu ambayad ḵani'tta bugis atte Emperor ad Rome? Ambayad ḵani baḵon nu umadini?”