Matthew 21:41 - Sa Ugud Apudyus

⁴¹ Ḵanandae summongbat, “Aaddi ye ḵaog-ogyat inonae angongat atta sanae ḵabasbassuḻane tagu. Ḵad iyatunna ipatangḵon mumuḻḻaana'tta de grape atta sabali ye tagu we angitod si billayna nu imbubuḻas.”

Matthew 21:41 Referans Kwoze

Acts 18:6

Yaḵon sinullagin ḵad da Judyu ḵan nan-uguugudanda'ḵ lawweng, iwwagwagna gabu si silupna ta angigammuwandae ḵigadda si madusaanda. Ḵanana, “Nu dusaon Apudyus diḵayu, sa long-agyu amuyuwanyu! Daḵampun aḵ basuḻḵu. Ḵad misaḻad sinsadi, iyyaḵ tuttuduwan da Gentil.”

Matthew 21:43

“Pun sana ibagaḵ ḵan diḵayu we aḵ Apudyus iginoḵnae angipangat ḵan diḵayu ya siya ipangatana da tagu we angwa'tta ambaḻu we mibagay atta ipangatana.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

1 Thessalonians 2:16

te taḵtaḵonda diḵani ye angibaga'tte Ugud Apudyus atta Gentil ta mataguda oḵyan. Sa ḵoondae sanat, dog-adog-anda da basuḻda ḵad dumatong ḵan dida sindumallu we sangan Apudyus.

Acts 28:8

Niyaspuḻ ose an-atung ḵan napitut aman Publius. Pun ummoy Paul innila woḵ illuwaḻuwana, impatayna da imana ḵan siya woḵ naḵaan saḵitna.

Acts 15:7

Nagangput ḵade nabayag nansosongbatanda, summiḵad aḵ Peter woḵ ḵanana, “Susunud ḵan Kristu, inigammuyu we sa awe, saḵon pinilin Apudyus ḵan ditaḵu'ḵ umoy angiwaḻagawag si Ambaḻu we Damag atta Gentil ta dongngonda ya amatida.

Matthew 3:12

Naḵasaganae anguwis atta tagu ḵad mipani anḵuḵuwisna'tte tagu we naḵasaganae antopa si de wheat. Sa bogas ni de wheat, dagupona ya igappotna'tte aḻangna. Yaḵon sa losane dugi, aminona aḻan ya soggona'tte apuye adipun masobsoban.”

Matthew 21:34

“Dummatong ḵad timpu we ambuḻasanda'tta de grape, imbuun ni sinḵuwa da sammiluna'ḵ umoy angaḻa si billayna.

Matthew 21:40

“Pun nu dumatong sinḵuwa si mumuḻḻaan atta de grape, ngai nin ay ḵoona'tta gumagammole?”

Luke 20:16

Dumatong ḵad, gongatona dida ya impaayyuwanna'tta udume tagu mumuḻḻaan atta de grape.” Dingngoḻ ḵad da tagu sana, ḵananda, “Adi oḵyan maḵwa da ḵaḵna!”