Matthew 21:26 - Sa Ugud Apudyus

²⁶ Yaḵon nu ḵanan taḵu we sumongbat, ‘Naḻpu'tta tagu,’ siya iyogyat taḵu nu ngai ḵoon da tagu ḵan ditaḵu te losanda pinati ye profeta'ḵ John.”

Matthew 21:26 Referans Kwoze

Mark 6:20

te maḵimut aḵ Herod ḵan John woḵ sinaḻaḵnibana. Te inigammunae naun-unan ḵan nanserbi ḵan Apudyus ḵad pionae dongngon da ibagan John taḵon ay nasaliduduwan atta dingngoḻna.

John 5:35

Aḵ John, mipani'tte silawe lumangḻang ta silawana da somsomoḵyu. Ḵad ginangganasyu we nandongoḻ ḵan siya si sin-aḵitan.

Matthew 21:46

Pun pionda oḵyane doḵmaan aḵ Jesus yaḵon siya iyogyatda da tagu te imbelangda'ḵ Jesus we profeta.

Matthew 14:5

Taḵon ay nu pion Herod pagongat, umogyat atta adu we tagu te ibelangda'ḵ John we profeta.

Matthew 11:9

Pun ngai ummoyyu innila nu? Osa ḵad aine profeta? On, ibagaḵ ḵan diḵayu, daldallu nu sa profeta.

Acts 5:26

Pun ummoy ni kapitan ya da guwaḻdan ni templo innaḻa dida. Yaḵon adidapun pinatut dida te maḵimutda'ḵ batuwon da tagu dida inggana'ḵ matoyda.

John 9:22

Ḵaḵna imbagan da sin-abeng te maḵimutda'tta papangat da Judyu te nantutuḻagandae ngaimane angibabagga ḵanane, “Aḵ Jesus de Kristu,” adipun ogon maḵwae lumnoḵ atte sinagogan da Judyu.

Luke 22:2

Ḵad da papangat da papadi ya da mimistulun ni lintog singsingtonda inondae ampagongat ḵan Jesus we adi maigammu te maḵimutda'tta tagu.

Luke 20:19

Dingngoḻ ḵad da mimistulun ni lintog ya da papangat da papadi sanae pani, pionda doḵmaane dagus aḵ Jesus te inigammudae inugudna pani'ḵ mibusuḻ ḵan dida. Yaḵon naḵimtanda'tta tagu.

Luke 20:6

Yaḵon nu ḵanan taḵu we, ‘Naḻpu'tta tagu,’ aaddi ye batubatuwon ditaḵu'tta losane tagu inggana'ḵ matoy taḵu te pinatin da losane profeta'ḵ John.”

Mark 12:12

Pun da papangat da Judyu, pionda doḵmaan aḵ Jesus te inigammudae inugudna pani ye mibusuḻ ḵan dida. Yaḵon tinenanda te naḵimtanda'tta adu we tagu.

Mark 11:32

Yaḵon adipun maḵwae ḵanan taḵu we, ‘Naḻpu'tta tagu.’ ” Umogyatda nu ngai ḵoon da tagu ḵan dida te pinatida losane gattoḵe profeta'ḵ John.

Matthew 21:11

Ḵanan da tagu we nibuḻun ḵan Jesus, “Siya'ḵ Jesus we profeta we iNazareth si probinsiya'd Galilee.”

Matthew 21:25

Pun ḵanana, “Dinu naḻpuwan ni ḵaḻabbongan John we ambonyag? Aḵ Apudyus baḵon nu da tagu?” Pun ḵanandae nan-uugud, “Ngai isongbat taḵu? Nu ḵanan taḵu we, ‘Naḻpu ḵan Apudyus,’ ḵanana ḵan ditaḵu, ‘Ngaipayu adi pinati nu?’

Matthew 21:27

Pun sa insongbatda ḵan Jesus, “Naippun igammuni.” Pun ḵanan Jesus ḵan dida, “Nu ḵaḵnat, umadiḵ os ibaga nu ngai nangitod si ḵaḻabbongaḵe angwa'tta sana.”