Matthew 21:16 - Sa Ugud Apudyus

¹⁶ Ḵananda ḵan Jesus, “Dingngoḻnu ḵamman iyip-ipḵaw da annae abeng?” Ḵanan Jesus, “On, dingngoḻḵu. Iḵagasmoḵyu oḵyan binasayu si nigili ye Ugud Apudyus we ḵanana, ‘Tuttuduwan Apudyus da abeng ya da uttinge gattoḵe andayaw ḵan siya.’ ”

Matthew 21:16 Referans Kwoze

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 19:4

Ḵanan Jesus we summongbat, “Adiyupun ḵamman binasa nigili'tte Ugud Apudyus we ḵanana, ‘Sa laplapunae nangwaan Apudyus atta tagu, ḵingwana dida'ḵ laḻaḵi ḵan bubai.’

Matthew 12:3

Pun ḵanan Jesus ḵan dida, “Ḵasapuḻane sosomḵonyu binasayu mipanggob atte ḵingwan Ari David ya da buḻunna'tte nauḻatanda.

Mark 2:25

Pun ḵanan Jesus ḵan dida, “Ḵasapuḻane sosomḵonyu binasayu mipanggob atte ḵingwan Ari David ya da buḻunna'tte nauḻatanda.

Matthew 22:31

Nu mipanggob si umuliyan da natoy, iḵagasmoḵyu oḵyan binasayu we imbagan Apudyus ḵan diḵayu si ugudna.

Mark 13:17

Sa sadi ye aḻgaw, ḵaddagu da mabugi ya da antagibi.

Luke 21:23

Da sadi ye aḻgaw, ḵaddagu da mabugi ya da antagibi. Te umamdan da ampaḵaḻaman te siya timpu we anusaan Apudyus atta tagu si annae luta.