Matthew 21:10 - Sa Ugud Apudyus

¹⁰ Dummatongda ḵad ad Jerusalem, nagulu da losane tagu sidi woḵ ḵananda, “Ngai anna?”

Matthew 21:10 Referans Kwoze

Acts 9:5

Ḵanan Saul, “Ngaiḵa, Apu?” Pun ḵanana, “Saḵon aḵ Jesus we ampaḵaḻamom.

Luke 9:9

Yaḵon ḵanan Herod, “Impapungtuḻḵu uḻun John. Ḵad ngai sanate tagu we uguugudondae angwa'tta nakaskasdaaw?” Inggan ni sadi, ḵinuttuḵuttumna inonae angabot ḵan Jesus.

Luke 7:49

Da udum ḵade naḵaḵan, ḵananda'tte sin-ossaossa ḵan dida, “Ngai annae tagu? Sa somsomoḵna ḵamman, pakawanona da basuḻ?”

Luke 5:21

Gapu'tte sadi ye imbagana, ḵanan da Pharisee ya da mimistulun ni lintog atta somsomoḵda, “Ngaipana ugudon ḵaḵnat? Itaḻayagna long-agnae miyisu ḵan Apudyus we abus aḵ anna ḵaḻabbonganae amakawan atta basuḻ.”

John 2:18

Innilan ḵad da papangat da Judyu ḵingwana ḵananda, “Ngai sinyale ipailam ḵan diḵani ta panoḵnoḵame anna ḵaḻabbongame angwa'tta ḵaḵna?”

Luke 20:2

Ḵananda ḵan siya, “Ibagam ud ḵan diḵani nu ngai ḵaḻabbongame angwa'tta anna? Ngai nangitod ḵan siḵa si annae ḵaḻabbongam?”

Matthew 2:3

Dingngoḻ ḵad Ari Herod sana, amoamod ḵimutna ya isuna bos atta losane iJerusalem.

Matthew 21:9

Da losane tagu we ummun-una ḵan niyun-unud ḵan Jesus, ḵanandae nanugtug-uy, “Madaydayaw ganaḵ Ari David! Madaydayaw oḵyan umali ye imbuun Apudyus! Madaydayaw aḵ Apudyus we ḵangatuwan!”

Matthew 21:11

Ḵanan da tagu we nibuḻun ḵan Jesus, “Siya'ḵ Jesus we profeta we iNazareth si probinsiya'd Galilee.”