Matthew 20:1 - Sa Ugud Apudyus

¹ Ḵanan Jesus, “Sa ampangatan Apudyus mipani'tte sinḵuwa'tte mumuḻḻaana'tta de grape we nawwiḵise ummoy nansingit aḵ tangdanana'ḵ umoy anḵewaaḻ si mumuḻḻaana'tta de grape.

Matthew 20:1 Referans Kwoze

Matthew 13:47

Pinagatupan Jesus woḵ ḵanana, “Sa ampangatan Apudyus mipani bos si tabuḵuḻe inuyud da anabuḵuḻ atte baybay inggana'ḵ mapnu'tta nankalakalasi ye ugadiw. Ḵad itaḵdangda ya tumuḵduda ta piliyanda. Da ambabaḻu we ugadiw iggada'tte aḵḵubaw ya iballuda da anḵaḻaweng.

Matthew 13:24

Pun inḵasin Jesus imbaga pani'tta amode tagu woḵ ḵanana, “Mipani ampangatan Apudyus si osae tagu we ambabaḻu iyyosoḵnae pagoy si payawna.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

John 15:1

Pinagatupan os Jesus we nantuttudu woḵ ḵananae nangipani, “Saḵon tuttuwae puun ni muḻae grape ya aḵ Amaḵ angayyuwan.

Matthew 25:1

Pinagatupan Jesus woḵ ḵanana, “Mipani ampangatan Apudyus atta simpuḻu we babaḻasange innaḻada da silawda woḵ ummoyda inabot laḻaḵi ye ankasar.

Matthew 22:2

“Mipani ampangatan Apudyus atte ari ye isagsaganana kasar ni babaḻu we abengna.

Matthew 13:33

Ḵanan os Jesus we nangipani, “Sa ampangatan Apudyus isuna de yeast we ampabotaḻe inḵamos ni bubai si adu we arina.”

Matthew 13:31

Pun ḵasin os nangipani'ḵ Jesus woḵ ḵanana, “Sa ampangatan Apudyus mipani si buḵoḻ ni mustasae immuḻan ni tagu'tte umana.

Matthew 25:14

Pinagatupan os Jesus woḵ ḵanana, “Sa ampangatan Apudyus mipani si baḵnange ansagsaganae umoy ambaat si adayu we ili. Inayagana da sammiluna woḵ intaḻgodna da ḵuḵuwana ḵan dida.

Mark 13:34

Mipaniyaḵ atte ansagsaganae umoy si adayu we ili. Ipaayyuwanna boḻoyna'tta sammiluna, ḵad ittona biyang ni sin-ossaossa'tta ustu we ḵewaaḻda. Ḵad bilinona angguwaḻda ta adi masuyop.

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 23:37

Pune sadi ḵanan Jesus, “Atoḵayu paye iJerusalem, diḵayu nanggongat atta profeta ḵan namatubatu'tta imbuun Apudyus! Nangampigae pioḵ dagupon diḵayu ḵan saḵon ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Matthew 21:28

Pun inug-uggud Jesus annae pani woḵ ḵanana ḵan dida, “Ngai ḵasomsomḵanyu'tte mipanggob si anna? Inninggaw tagu we duwa da abengnae laḻaḵi. Sin-aḻgaw ḵad ḵanana si panguḻu, ‘Abeng, inḵa anḵewaaḻ atte mumuḻḻaan atta de grape.’

Matthew 20:2

Nangdas ḵad, nantutuḻagandae ossaane palata tangdan ni osa'tte sin-aḻgaw. Pun imbuunna dida'ḵ umoy nanḵewaaḻ si mumuḻḻaana'tta de grape.